رد : مشكلة بنتي
اذا حابة تتاكد من حبه لها
تغير من طريقة تعاملها معه
تصير له الزوجة الي هو يبيها ( مش الي هي ببالها)
لفترة
اذا تغير ساعتها و غير معاملته معاها و شاله فوق راسه،
معناه يحبها ويموت فيها بس معاملتها ونديتها خلته يعاملها كدا
اذا ظل على حاله ( بعد فترة مش على طول وبشهر تبيه يتحول)
وماتغير وظل على معاملته القاسية لها معناه مايحبها
او يحبها حب تملك او حب مرضي ( اذا لازال يقول انه يحبها)
اخيرا .. بغض النظر يحبها ولا مايحبها المفروض تسال كيف
اصلح حياتي معه .. كيف اخلي علاقتنا يسودها الاحترام
ولا تقولي ليه انا الي لازم اتغير واغير معاملتي له
ولازم ابدا .. ليه مو هو ؟؟
لانك انتي الزوجة مالك غيره مهما نكرتي .. هو عنده بدل الزوجة 2
لانك الام .. والام هي اللي تتحمل عشان اولادها وتحاول باقصى ماعندها
تمشي حياتها بسلاسة عشانهم
لانك الانثى .. وللاسف الانثى بمجتمعنا هي الطرف الاضعف والاضعف
لازم يتنازل شوي
اخيرا لانك المتضررة الوحيدة من هذه العيشة ..
هو قافل عليك ورايح يعيش حياته مبسوط .. اذا ضليتي بنفس
العقلية .. راح تعيشي هذه الحياة على طول
لذا حاولي تتطلعي وتقرأي وتتفاهمي معاه وتحسني من علاقتك معاه
عشان نفسك عشان تعيشي معه حلاوة الحب وحلاوة الحياة وحلاوة
الحياة الاسرية المستقرة
الله يهدي سرها ويفك كربتها ويصلح امرها مع زوجها ويسخره لها
ويسخرها له
__________________
سبحانك لا اله الا انت اني كنت من الظالمين