رد : خطيبي يسيء التعامل معي
عزيزتي
انا راح أكلمك من واقع تجربة..
ببداية ملكتي تقريباً صار معي نفس الشيء
لكن العكس..
خطيبي كان جرئ وصريح وواضح
وكان يكلمني عن فرحته وكذا بشكل مبالغ...
بالمقابل انا كنت:
1- خجلانه ومو متعودة ع اهتمام مُبالغ زي كذا وغزل
2- أهلي، صديقاتي، قريباتي.. كانوا يقولوا لي (خليك رسمية معه، اثقلي، انتبهي تعطيه وجه مره، راح تطيحي من عينه،راح يعتقد انه لك سوابق مع غيره ومتعودة ع الرجال، راح يقول خفيفة وما صدقت.... الخ) << من جد كذا اللي اسمعه..
وفعلا كنت رسميه معه جدًا
مثلا يسولف معاي بالواتس..
اكتفي بسمايل!
يرسل لي مسج حب او غزل..
اذا تهورت مرة حطيت له قلب!
وكتب وقتها موضوع بالمنتدى..
وصححوا لي الإخوان فكرتي جزاهم الله خير
وبعدها شوي انفتحت معه وصرت اتجاوب..
بعدها شوي حسيته حتى هو ارتاح اكثر..
تعرفي نهاية الاسبوع الثاني ايش قال لي؟
يقول كنت اعتقد انك ما ارتحتي لي او خلاص ما تبغيني..
او اكتشفتي فيني شيء بعد الملكة خلاك ما تحبيني!
من جد أثر فيني كلامه..
بعدها شوي شوي وبتشجيع الصراحة منه..
صار الحمدلله أقرب الناس، تغيرت كثيييير كثيييير
وحسيته انبسط وصار مرتاح معي اكثر
الصراحة حتى انا ارتحت كثير الحمدلله وصرت اكلمه بحب وتلقائية وصدق وعفوية
هالإحساس جدًا مريييح!
ما شاء الله..
الخلاصة ايش؟؟
اعتقد والله اعلم زوجك حالته زي حالتي سابقًا..
كلميه وصارحيه وافتحي له قلبك بحب وبطريقة مناسبة
ولا تنسي اختلاف عاداتكم وبيئاتكم وتقاليدكم
بالأصح:
((احتويـــه))
كلنا نحتاج احتواء، والرجل بالأخص
لانو الرجل ما راح يسمع منك لما يحس انك تطلبي منه بصيغة أمر
ويبي يحسها اهانة له وانه تتأمري عليه من البداية..
اممم..
عندي اقتراح،
هدي الوضع شوي..
بعدها بكم يوم كلميه واعزميه عندك بالبيت،
وشوي اجلسوا لوحدكم خلك قريبه منه بدون اي حواجز
ارتمي بحضه وكلميه عن كللللل شيء بخاطرك (بس انتبهي لكلماتك، ولا تطلعيه هو الغلطان)
صدقيني راح يتأثر ويتغير كثيييير..
اشكي له وابكي ع صدره، وصفي قلبك وقلبه وخلي بداية حياتكم حلوة
الله يوفقك ويسعدك
التعديل الأخير تم بواسطة danaa11 ; 24-02-2014 الساعة 09:50 PM