رد : وحدة، حزن، شعور بالخذلان (مستجدات - الرد 32)
يسعدلي صباحك معالي
اول شيء ﻻتفكرين بموضوع الطﻻق ابدآ ﻻن كل الكﻻم اللي قاله لك مجرد يشوف
ردة فعلك انتي تبينه واﻻ ﻻ ،، والرجال وقت زعلهم يجي منهم اكثر وتهديد وماني
عارفه ايش بس عشان يخوفونا واﻻ اذا جاء الصدق ماتشوفين من كﻻمهم شيء
ثاني شيء مهما كنتي زعﻻنه منه ي قلبي ﻻتجيبين طاري اني ماابيك واﻻ اكرهك
خصوصآ انكم ببداية زواجكم ويمكن لسى ماتأكد من حبك له وبذا الكﻻم يصدق
انك فعﻻ ماتبينه..
ثالث شيء اذا جاء العصر كلميه بكل جديه بدون بكاء وقولي له يا حبيبي ويانور
عيني والله الذي ﻻاله اله اﻻ هو اني ابيك واني شاريتك وﻻ ابي من ذا الدنيا
اﻻ انت والقلب ماسكنه وملكه اﻻ انت واكبر دليل انك تبي توديني ﻻهلي وانا
ماابي ،،ابي اجلس معك وفي بيتي والكﻻم اللي قلته لك كنت معصبه وماكنت
اقصده ابدآ واني عشت معك احلى سنه في حياتي وان شاءالله اعيش معك
باقي عمري بحب وسعاده اﻻ اذا كنت انت ماعاد تبيني فهذا شيء ثاني
اما انا والله شاريتك وابيك وابي عشرتك واذا انا غلطت عليك بشيء غير
الكلمه اللي قلتها لك وانا معصبه فقول .. هذا اللي عندي واذا انت باقي
مصر على سالفة اني الم عفشي فبروح المه ... الله يحفظك وانهي المكالمه
وﻻتروحين تلمين عفشك اجلسي عند اهلك الين يجيك منه اتصال عطيه فرصه
بس يراجع كﻻمك ويتأكد من حبك له
وصدقيني ياما مرت علي مواقف زي وكذا وعدت بسﻻم وانتي بعد هالمكالمه لمي
الموضوع مع اهلك وﻻتكبرينه ﻻنه بس سوء تفاهم وبينحل
الله يوفقك ي قلبي
__________________
وكل شيء حولنا ﻻ يخلو من بعض الجمال،،لكنها ارواحنا احيانآ تصاب بالعمى~