الله يوفقك يارب ويفك ضيقتك
بصراحه مدري وش اقول لك ! يعني المفروض انت تشرح لاهل زوجتك عن وضعك المادي وخصوصا زوجتك بكل صراحه زي ماشرحته لنا واذا هي شاريتك اكيد بتضغط على اهلها عشان يستحملونك هالفتره بس الين ماتتجاوز ازمتك ! مو يشربكونك في ديون اكثر ! المفروض انهم شارين رجال ! مو شارين فلوسه ! الفلوس تروح وتجي والمظاهر ما تزيد المحبه بين الزوجين ولا تنجح الزواج ! ياما الوف انصرفت على زواجات والنهايه طلاق الله يكفيك الشر ! وياما زواجات بسيطه شرو فيها رجال وعاشو في قمه السعاده ! الصباحه والسفر ممكن تشتريه لها بعدين لما الله يفك ديونك !
لكن التفاهم وراحه القلب لازم تحس فيها من البدايه !

الصراحه اهم شي في الزواج ! وش الفايده تتزوج وانت مديون كذا وحالتك مايعلم فيها الا الله ؟ حتى المشاكل ممكن تصير بينك وبين زوجتك على هالسالفه !

عموما الحل الحين انك تصارحهم بكل شي ! وماانصحك تتدين اكثر لان الدين ذل في النهار وهم بالليل ! وانت توك بادي حياتك لا تبديها غلط ! خصوصا ان الدين اللي عليك يمكن انه يكون فيه ربا ! وهذا حرام كبير ! الله يفكك منه

نصيحتي شوف احد من اهلك خالك مثلا او واحد يمون عليك يقدر يساعدك ! واستغفر الله سبحانه كثير عشان يرزقك ويفتح لك ابواب رزقه !

الله يعينك ويوفقك

اختك اسيل

__________________

لاإاله الا أنت سبحانك إني كنت من الظالمين