رد : مشكلة لصديقة عزيزة : هل زوجي يحبني وهو يسي معاملتي؟مستجدات الرد 38
اقتباس:
المشاركة الأصلية كتبت بواسطة #ملكة القلوب#
هو جرحني كثير لازم يتحمل قبل ما كنت حاسه او ما يهمني يمكن لانه أبوي كان موجود كان هو كل حياتي كنت مب خايفه من احد حتى لما يغلط كنت عارفه انه ابوي بياخذ حقي منه كان ما يهمني وجود أخواني بحياتي أو حتى أي أحد ثاني من أهلي كان هو الوحيد الي يعرفني زعلانه او حتى احد بس مزعلني كان يقول أعرفج من عيونج بس لما راح والله حسيت أني انكسرت حسيت انه انا لي لازم الي ادافع عن نفسي يمكن هالشي متعبني لاني مب قادره أواجه احد ماحد فيهم قدر ياخذ مكانه حتى هو خالد لانه ابوي كان لما يتم يسمعني صوته كان ما يرفعه وهذا اذا سمعني كانه ينطر متى اخلص عشان ياخذ حقه مني أنا مب جذي أنا أريد أحد يحبني لنفسي مب عشان يريد حاجه مني عارفه أني غلط عشان جذي أنا أريد أتغير عشان غلا وراشد مابيهم يكونون مثلي مابي أحد يغلط عليهم أو ياخذهم مني بس عشان امهم ضعيفه لا لا حتى لو كان ابوهم أنا عارفه هو يحبني ويحبهم وعارفه أنه تعبان مثلي ترى هو الوحيد لما أتعب يتم وياي ماحد غيره حتى لما تزوج ثانيه بيوم عرسها ما طاع يروح يحضر العرس ويستقبل ضيوف مع ان الكل كان يتصل عليه كان يقول بتعشى وياها وبطلع وصدق تم وياي لاني كنت تعبانه وعطاني أدويتي وطلع وثاني يوم من الصبح جاء كان يقولي ما راح تاخذ مكانج
أنا غلط عارفه بس هو والله سبب هو حلاني جذي
|
يلوموني ليه متعلقة فيج وأحبج 
...
ما شفت قلب طيب ونفس بيضا مثل الثلج مثلج انتي وخالد ... ما تصدقيني يوم أقولج انتو متشابهين كثير سبحان الله
مرات أفكر ..أقول يا رب سبحانك اللي مثلهم صدق وقلب أبيض نتتوقع تكون حياته عسل ومرتاح وسعيد ... سبحانه ربي أعلم بحكمته باللي قاعد يصير ... لكن أملي بالله قوي ولازم بالاخر تكون النهاية حلوة وأفرح فيكم حبيبتي
__________________
