رد : مشكلة لصديقة عزيزة : هل زوجي يحبني وهو يسي معاملتي؟مستجدات الرد 38
اقتباس:
المشاركة الأصلية كتبت بواسطة #ملكة القلوب#
مهره أصلح الوضع شلون تقصدين أتنازل له عشانه لحين ما أقدر بس عشان غلا وراشد هيه مستعده أصلح الوضع او حتى أتنازل بس من غير ما يحس أنه عشانه او حب له لالالا لاني قبل طلبت منه نفتح صفحه جديده عشان غلا وقلت له مابي حياتها تكون مثل حياة عيال أختك تعرفين شنو رد قالي قصدج مب مثل حياتج يعني يتعمد يجرحني والله نزلت دموعي من غير ما أقدر أرد بحرف
هو يحاول لحين حسيته بس لما يشوفني ما عبرته بسرعه يتغير مثلا لما ردني لحين بيتي غير أثاث جناحنا كامل وحجرة غلا بعد ما وراني تم واقف عرفت انه يريدني اشكره بس انا تميت ساكته بعدها بكم يوم جاء وقالي توقعت تتتصلين وتسوين لي مفاجاه او حتى تشكريني بلسانج قالي أنا لي منج قريب 4 شهور ما اعرف ليش كان بداخلي اشكره والله بس ما قدرت وعلى طول رديت وقلت أنا زوجه بالاسم عصب
مب قادره أخليه يحس بفرحتي لانه يتحسب أني فرحانه منه او انه سوا حاجه كبيره ولازم ياخذ مني المقابل
|
مب عشانه ولا عشان غلا وراشد .. عشان نفسج فديتج.
مهم انج تكونين مرتاحة ومقتنعة بأي رد فعل تاخذينه بدون ما تحسين انج مجبورة عليه.
أنا قلت لج في ردي السابق العناد مب حل .. وانج تمسكين نفسج عن أبسط ردود الفعل والإجابات الطبيعية غلط .. بالعكس يمكن هذا الأسلوب هو اللي يخليه يتمادى في سلوكه الجارح لج.
ما أقول لج غرقيه حب وغرام .. إذا كنتي فعلاً مب قادرة على هالشي حالياً .. لكن كلمة شكر .. نظرة امتنان .. رسالة اطمئنان .. أو حتى تشيلين ولدج وتسيرين تيلسين عداله تلاعبونه مع بعض ... لفتات بسيطة جداً ممكن تترك أثر كبير في نفسه .. وما بتضرج ما دامج فعلاً حاسة بها من داخلج .. وممكن جداً هالمواقف الصغيرة توصلنا لعلاقة طبيعية ومستقرة بينج وبنه.
أنا وياج ان كلمة (زوجة بالاسم) وايد صعبة وجارحة لأقصى حد .. لكني بصراحة مب شايفة انه يتعمد يجرحج .. الأمانة يا ملكة تستلزم انج ما تنسين انه هو فعلاً عانى وياج في البداية .. وفترة مب بسيطة .. ومثل ما انتي محتاجة وقت فهو بعد محتاج وقت عشان توصلون في النهاية لنقطة التقاء.
مسألة انه يبا شي معين منج .. فهذه نقطة تحتاج إعادة نظر قوي منج يا ملكة .. انتي زوجته يا ملكة مب ربيعته الله يعزج .. والزواج فيه جوانب كثيرة منها هذا الشي .. ومثل ما احنا نبا تفاهم واستقرار وحب وعيال .. فاحنا بعد نبا هالشي.
بعدين بالعقل فديتج .. إذا كان يبا هالشي بحد ذاته فهو عنده ثنتين غيرج يقدر يأخذ منهن اللي يباه .. ليش يعور راسه معاج؟! .. إلا إذا كان هالشي له طعم خاص معاج انتي .. وهذا يرجعنا لحكاية (زوجة بالاسم) ويأكد أنه خربطان لكنه مب كلام من قلبه .. لأن الزوج ما بيتعب نفسه مع زوجة بالاسم بس!
نقطة مهمة: حطي كل موقف أو رد فعل منج تحت مجهر الحلال والحرام واسألي نفسج: هل ربي بيكون راضي عليّ لو سويت الشي الفلاني والا لا؟
يعني مثلاً موقف تغيير الأثاث اللي كان ينتظرج تشكرينه عليه .. لو فكرتي انه كلمة: (مشكور الله يعطيك العافية) تساوي عند الله حسن تبعل واعتراف بالفضل لج أجر عليه دون شك .. ما أظن كنتي منعتي نفسج وحبستي هالكلمة البسيطة.
احنا نبا رضا رب العالمين يا ملكة قبل رضاهم هم.
__________________
اللهم طِيبَ الأثر .. وحُسْنَ الرحيل.
التعديل الأخير تم بواسطة مهره ; 02-03-2014 الساعة 07:55 PM