انا كمان مع بيتا .. فكري بالانفصال .. لان مشكلة زوجك جدا معقدة
و بما انك موظفة فلا تاكلي هم الطلاق لان الك دخل
حاولي تقدمي على الوظيفة الي حكيتيلنا عنها انو وقتها طويل بس دخلها اكبر
لساتك صغيرة و لسا الك فرص بالحياة
و بالنبسة لبنتك لا تخافي عليها .. افضل الها ما تعيش مع اب حاقد و صاحب شخصية انتقامية
بالنبسة للاعضاء الي عمينتقدو كنافة .. يعني مثلا شو بتريدو المرأة تكون صنم .. لا مشاعر لا احاسيس بس سمعا و طاعتا
الوحدة فينا بتتزوج منشان تكون اسرة تحس باتوثتها تلاقي الانسان الي يشاركها حياتها و تشاركو حياتو
بس زوج كنافة عبارة عن عقد نفسية و هي مالها امو حتى تتحملو
هي شريكة حياتو بدا تعطي بس بالمقابل كمان بدا تاخد

يعني زوجها من الناحية الدينية
غير ملتزم بالصلاة .. حتى صلاة الجمعة عندو استعداد ما يصليها
بشوف افلام و مقاطع اباحية
هاجر زوجتو و حارمها من حقها الشرعي بدون ما يوضحلها السبب
لسانو زفر

من الناحية النفسية

حقود
انتقاميي
عندو عظمة و العظمة لله
كتلة عقد نفسية


من الناحية الجنسية

عندو ضعف جنسي

من الناحية المادية مو مقصر ابدا ابدا .. بس المادة مو كل شي .. هي موظفة و فيا تلبي حاجاتها المادية


من الناحية العاطفية

قاسي و جاف جدا
يطعن انوثتها بدون وجه حق

كنافة حاليا لا تاخدي قرار

روقي .. و فكري بعقل لا بعاطفة

الله يكتبلك الخير يا رب