رد : تركت البيت ..... هل أصبت بالعين؟ أم مرض نفسي؟
اقتباس:
المشاركة الأصلية كتبت بواسطة بدوي حساس
الله يكون بعونك
شعور الوحده جميل لانك مريض بالرهاب الاجتماعي فلما تكون وحيد راح ترتاح وتطمئن نفسيًا ان محد راح يزعجك
بس المشكله ان الوحده مو حل هو عباره عن مخدر مؤقت بعدها راح تمل او تتطور حالتك للاسوأ والوحده قد تجعلك تعمل امور سيئه لان ما عاد تفرق معك
لازم تدور حل وتعالج نفسك اهم شي بالمواجهه وحتى لو انحرجت وحسيت انك مرتبك ووجهك احمر استمر اجلس معاهم وقط لك كم كلمه لا توقف ولا تنحاش
الفكره تعتمد انك تطنشهم وتطنش اشلون هم يفكرون فيك ويشوفونك لان محد داري عن احد ولا احد مركز عليك هذا اوهام انت تكبرها
الجمعات والزيارات متعه من متع الحياه اسأل مجرب الوحده دمرت سنوات من عمره عالفاضي ومحد درى عنه*
|
انا مو حيد للدرجة هذي
يعني توني الحين مسكر من مكالمة مدتها ٤٠ دقيقة
وقبلها بالواتساب لي يمكن ساعة كاملة اسولف
واطلع للمطاعم في الاسبوع كم مرة
ومرات ايام تجي اشوف اصدقائي كل يوم
او كل يومين
بعدين انا متيقن ١٠٠٪ اني اذا بغيت...اقدر اواجه الرهاب
لاني واجهت اشياء كبيره اتوقع غيري من الي عندهم رهاب مايقدرون يفكرون فيها اصلا
صح مااكذب عليك هو يعيقني في اشياء كثيرة
لكن بعد انا تغلبت عليه في اشياء كبيرة
مثلا اخر عيد ... حضرت جمعت العائلة
وكان فيه يمكن ٣٠ شخص حريم ورجال
وسولفت مع الي قدي وضحكت وانبسطت!!
يعني اذا بغيت اقدر مافي شي بيمنعني
الحلو بالموضوع اني ماخذ فكرة ايجابيه عن نفسي
وحتى لو وجهي صار احمر او عرقت او او
ماالوم نفسي او استصغرها او ازعل
بالعكس اطلع من الموقف وانا مبسوط!!
شعور غريب!!