صبحك الله بكل ماهو جميل على وجه الارض.
انتهيت من الكتابة والتفريغ
بعدها حسيت انها اشياء تافهة وما تستحق الزعل !!!
كنت بالسابق أواجه من يغلط علي أوحتى بكتابة رسالة
لكن من كم سنة صرت صامتة أتعامل ببرود لكن بيني وبين نفسي نار ملتهبة.

المواقف الطفولة الى الان مقهورة منها ابوي كان يبغاني في مدرسة وأمي في مدرسة التي تدرس فيها خالتي حتى أكون بالقرب منها اذا احتجت لشي. مدرسة خالتي بعيدة عن بيتنا الجديد في يوم تاخر علي السواق وخالتي خرجت قبل موعد خروجي جلست خارج المدرسة بالشارع أتى جارنا الجديد بالصدفة ومعه بناته واخذوني معهم. في هذا اليوم كرهت أهلي ليش تركوني بعدها امي صارت تقول لخالي خذها معك بيت أهلي والعصر حنى نأخذها من عندكم.صار خالي يجي يأخذني من المدرسة كبير اتوقع كان في الجامعة في يوم طلع بعيد عن بيت جدي وفجأة وقف السيارة لا اذكر احداث الحادثة بالتفصيل اذكر انه حاول يتحرش فيني. لكن الحمدلله ربي لطف أخذت ابكي وهو خاف اخبر احد. وخالي الثاني نفس الشي حقير مايخاف الله كان مسافر وجاء قال تعالي فيه هدية جبتها لك بغرفتي رحت معاه بكل براءة الطفولة.
حسبي الله ونعم الوكيل عليهم.
هذا الي ما أخبرت أحد فيه من أهلي لآني كنت واعية واعرف انه عيب. لكن ندمت أشد الندم بعد ما كبرت وفهمت ليش
ما خبرت امي. يمكن لانها كانت مشغولة بمشاكلها مع ابوي وناسية بنتها.
فيه موقف كرهت عمتي وبناتها ولدها فيه انه بنت عمتي راحت وقالت لابوي اني هاوشتها هو صدق انا تهاوشت معها لانها كانت تتصنت على حديثي انا وأختي جاء ابوي وهي عمتي وبناتها وولدها جالسين بالحوش ونادى علي قال انتي قلتي لفلانة كذا جيت بتكلم ما مدى الا جاني كف على وجهي انا صرخت قلت ابغى أتكلم اسمع مني قال بس ولا كلمة امي سمعت ضرب ابوي لي ماقدرت تنزل قامت تنادي على من النافذة وأبوي خاف الجيران يسمعون تركني قام ولد عمتي قال بنتك يبغى لها تربية من جديد هي وأمها. المفروض كانت عمتي وبناتها كبار متزوجات وولدها بسني يهدون الوضع مش جالسين ينتظرون القاضي يصدر حكمه. حسيت اني مسويه جريمة يومها كلهم مجتمعين حتى يحضرون ضربتي. حسبي الله ونعم الوكيل.
موقف من سنة خطبني واحد من خارج مدينتنا يعمل بنفس عمل أخوي / قبل ما يتقدم كلم ابوي بالجوال وعرف بنفسه وقال ابغى أخطب منكم ووو ابوي كان عند عمتي وقتها وأخذ رأيها هي وبناتها وجلسوا يحللون بالموضوع الين في الليل جاء ابوي وقال لامي وقال ترا فلانة الي هي عمتي تقول ما يصلح تزوجها واحد كذا لازم تخليه فترة وتماطل عشان ما يحس أنكم فرحانين بالخطبة ما برد عليه إلا بعد مدة. امي كالعادة ما قالت رأيها تركت كل شي للعقل المدبر عمتي
ما تركت أحد الا وخبرته بالموضوع الين جاء موعد الشوفة فجأة قال يالله الولد يبي يشوفك عشان عنده شغل بيسافر.
ماكنت وقتها متجهزة ولاشي نزلت بعبايتي ولا شي كذا كنت متوترة جداً الولد انصدم اتوقع لآني ما ناظرت فيه ولا شي ثواني وخرجت ابكي. بعد كم يوم رجع اتصل في ابوي قال البنت ما شفتها كويس ياليت أشوفها من دون حجاب ابوي زعل و قال أنسى الموضوع. جاني قال زواج من برا العائلة في الأحلام وهذا ولد عمك ما لك غيره. خفت ما تكلمت معاه أرسلت لاخوي رسالة يفهم ابوي اني خلاص ما أفكر بالزواج ولا ابغى أتزوج ولا يشيل هم ما راح ألومه على شي اذا كان حاس بتأنيب الضمير ويبغى يلزقني في ولد عمي معليش لهذا ويكفي إهانات.
احس اني تعبت & سؤال ماهي الفائدة اذا كتبت عن الماضي مش المفروض ننسى ولا نقلب المواجع.

__________________
( قال الله تعالى : يابن آدم إنك ما دعوتني ورجوتني غفرت لك ما كان منك ولا أبالي ، ياابن آدم لو بلغت ذنوبك عنان السماء ثم استغفرتني غفرت لك ولا أبالي ، ياابن آدم إنك لو أتيتني بقراب الأرض خطايا ثم لقيتني لا تشرك بي شيئا لأتيتك بقرابها مغفرة )كربي عظيم ادعوا لي (اللهم لا تكلفني من كرب الحياة ما لا أطيق)..