السلام عليكم ... اسعد الله صباحكم بكل خيررر
من مده قصيره تابعت منتداكم ماشالله حكمه في الردود وتعامل مع المشكلة.. حبيت اطرح مشكلتي لعلي اجد لضائقتي حلاً .. ربما يكون الشرح طويلا ً
طبعا كانت بدايه مشكلتي بعد ماتقدم ابن خالي لخطبتي .. في البدايه اعترضت بقوه لان خارج منطقتي فاقنعتي امي باسلوبها انه شي عادي تروحي بعيد عن اهلك هذا نصيبك .. اقتنعت وقلت خليني افكر واستخير .. في بدايه الموضوع كنت جدا خايفه ومو مستصيغه الخاطب حاسه انه مايناسبني بعد الاستخاره واخذت رأي عمي بالموضوع مدحه لي وقال ان شاء الله فيه الخير ... جاتني امي تسالني عن رأي وكانت جدا مبسوطه ووتمني اني اوافق .. قلت اللي يشوفه ابوي انا راضيه فيه .. طبعا ابوي وافق وبلغت امي اهل الخاطب بالموافقه وطلبوا التحاليل منشان الملكه فاجلتها لمابعد الاختبارات .. بعد كم يوم قالت لي امي ان عمتك اتصلت ع ابوك زعلانه تقول (ان الشخص اللي خطبك كان حاجزها من كانت صغيره ليش لما كبرت غير رايه وهي كانت متعشمه فيه)
انصدمت ماعرفت شرد قلت خليني استخير .. طبعا امي سالت عمامي وام خطيبي هل كان حاجزها من قبل كلهم قالوا لا .. جا فبالي انها ممكن كانت تتوهم .. حكيت معها اجبر بخاطرها اني مابي اخسرها لان علاقتي فيها جدا ممتازه .. قالت لاعادي انتي مالك ذنب العتب عليه ماهو قد كلامه .. بعد الاستخاره ماحسيت ان في شي يخليني ارفض رحت لامي وقلت لها اللي يشوفه ابوي مناسب يسويه سواء رفض او موافقه .. فكانت موافقه .. خلصنا تحاليل وتم تحديد الملكه طبعا عمتي زعلت ورفضت تحضرها وانها خلاص قررت تحبس نفسها عن الناس وماتطلع من البيت .. بعد الملكه مازالت العلاقه بينا عاديه ... الا يوم جا رمضان كانوا البنات في القروب يسالون عن موعد زواجي .. فردت اهي وكانت تدعي ع خطيبي ( يارب يدخل في شاحنه .. الله يسد نفسه .. الله يكسر قلبه ) تضايقت جدا من ردها فسكت وقالت ماحب اسمع هالموضوع .. انتهى ع كذا
وبعد عشر ايااام بالضبط جاني خبر ان خطيبي سوا حادث وحاليا بالمستشفى .. انصدمت وقلت الحمدلله انه سالم الا اشوفها تدخل القروب وتضحك وجالسه تتشمت ان ربي نصرها واستجاب دعوتها ... تضايقت وخرجت من القروب
بعد الحادث صارت معاد تكلمني ولاتحاهلني دائما وربي يعلم ان حتى ماشلت في قلبي عليها ولاذره
وامي من الصوب الثاني بعد الملكه تحسفت انها وافقت ودايم حزينه ومتضايقه وتردد دايم ليتني ماوافقت وخليتك تروحي عني .. انا الغلطانه اللي رضيت .. وماتحب طاري الزواج ولاتجهيز .. ماحسيت بفرحتها ابد كانها كاره الموضوع يضايقني هذا الشعور ...
حاليا الكل حاط الذنب علي ليش علاقتي مع عمتي كدا صلحو العلاقه وانا مافي قلبي شي عليها هي اللي زعلانا من نفسها ..
واحس الكل ينظر لي كاني مستعجله ع الزواج مفروض ارفضه دام عمتي مو راضيه ...

بجد بجد تعبت من التفكير ماعرف من ارضي
ابيكم تنصحوني كيف ارجع علاقتي مع عمتي ؟؟
وليش امي متضايقه هالكثر مو فرحانه فيني كيف ارضيها؟؟

اعتذر عن الاطاله ...#

((تم التعديل ليتناسب مع المضمون))