رد : تعالو نأثث مجلسي سوى وحياكم فيه
ياحبيلكم بنات الله يسعدكم يارب ويفرج عليكم ارائكم في بالي وراح استفيد منها بإذن الله
الصاله هي عقدتي لانها اولا بمستوى واحد وثانيا هي مكان جلستنا الاساسي وضروري احط فيها جلسه ارضيه عشان زوجي
الصاله مطله عليها جميع مداخل البيت مدخل من جهة المطبخ باب رئيسي لانه يطلع ع الحوش مطبخي خارجي
وباب غرفتي يطل عليها بس ان ميزته جاي ع الزاويه مو باين مره وباب مدخل استقبال الضيوف يفتح عليها وبعدين قوس كبير مدخل كذا يودي للمجلس حق الحريم
يعني تطل عليها اربع فتحات واعتبرها ثلاثه لان باب غرفتي مو مره ماثر بالمنظر
لازم كنب مكان الكنب القديم وهو اللي مجنني ومحتاره بلونه وموديله وبيكون بالواجهه اللي معدي بيشوفه
ولازم جلسه لنا مكان التلفزيون والموديل سهل راح اخليه مرتفع شوي وبحط سجاد عنده وخلصنا
بس الالوان كيف انسق الجلستين سوى او كل وحده مالها علاقه بالثانيه
مجلس الحريم قررت احط جدار واحد ورق جدران بما انه بيكون مكان استقبال وراح يكون بعيد عن يد عيالي وبحافظ عليه ان شاءالله
اليوم بطلع واحسم الامر عندي احساس ولادتي قربت ولازم اخلص في اسرع وقت
دعواتكم بنات
وانتظر رايكم بخصوص الصاله ضروري
شوفو الصور وراح تستوعبون شكلها كيف