رد : تقدم لبنتي شاب على خلق ولكنه قد لايستطيع تحمل تكاليف الزواج
اقتباس:
المشاركة الأصلية كتبت بواسطة لكل شي حد
خاله بيتا... الكل مركز على المهر او تكاليف حفلة الزواج.. مع اني اعتقد انج تقصدين تكاليف الزواج عموما.. اقصد تكاليف ما بعد حفلة الزواج...
الاقتصاد في حفلة الزواج امر حلو و ممتاز.. بس شو بيصير بعدين؟؟؟ اذا هي من الحين تشوف شغل اضافي علشان ترتب امورها بعدين.. ما تعتقدين ان حبها له حاليا هو اللي يخليها تمشي كل هالخطوات... اذا هي بتضحي فلازم تفهم ان هالتضحيه راح تستمر فتره طويله... و لا تجي تتذمر بعدين و تتضايق من ضيق الحال.. اذا هي متعوده على عيشه معينه و عندها استعداد تأقلم نفسها على عيشه اقل بوايد من عيشتها... فما في اي مشكله... بس كونها تشوف شغل اضافي علشان تشتري احتياجاتها بعدين.. هني تحتاج وقفه علشان هالشي ممكن يسبب مشاكل في المستقبل... العمل الاضافي يعني انها مب متقبله وضعها المادي يا خاله....
|
لا حبيبتي .. حياتهم بعد الزواج صحيح راح تكون اقل من حياتها ببيت ابوها لكن هذا امر طبيعي وهو اللي يصير غالبا وصار مع ابوها ببداية الزواج تكون الماديات عالقد ويكبر الواحد شوي شوي ولما يصير بعمر ابوها بيصير بنفس امكانياته ومستواه المادي
المهم انه يكون مؤهل وطموح وجاد مستعد يبذل جهد
وهذا موجود بالشاب بحسب المعطيات لحد الان. ما بعرف اذا بيطلع مفاجات
الكلام بس عن مستلزمات الزواج قبل الزواج ... ذهب .. جهاز ثياب .. عرس.. اثاث
في اشياء ممكن تختصرها بسهوله مثل الثياب مثلا لكن في اشياء صعب