رد : مشكلتي مع ام زوجي
وعليكم السلام ورحمه الله وبركاته
اهلاً اختي نعومه السكين
والله بصراحه رحمتك وانتي تشرحي الوضع وتقولي ام زوجي طيبه واحترمها بكل رد ^_^
وهذا شي جميل الله يسعدكم يارب
واكيد كل واحد يحب تكون لها خصوصيته
بخصوص الباب الخشبي يفترض انو يكون له مفتاحين بس
واحد لك وواحد لزوجك
انتي تطلعي من هنا تقفلي الباب وراك وهوا نفس الشي ,, هي مسأله تعود
واذا استغربت الموضوع ام زوجك فهميها انو كذا افضل
خصوصا انو غرفه نومك ماتقدري تقفليها وانتي طالعه
لانو مثل ماقلتي المفتاح بالباب نفسو ماينفصل وصعبه اذا رجع زوجك يلقى الباب مقفل !
وغرفتك فيها اشياء خاصه ومهمه من اوراق وذهب ووووو الخ وتخافي عليها تضيع او شي
احس مره غلط انو قسمك مفتوح لو ضاع شي او انسرق ماحد راح يفيدك وقتها !
الغرف حتى وانتي ببيت مستقل لازم تتقفل وانتي طالعه فكيف قسمك ينترك كامل مفتوح للكل وبغيابك !
هالشي كمان لازم تشرحيه لزوجك عشان يكون حريص على الموضوع الاشياء الي في الغرفه تخصه وتخصك كمان
ماتوقع راح يرفض الفكره خصوصا انو مثل ماقلتي لما لاحظ استغرابك حطو القفل
وبخصوص الطلعات ممكن ترفضي بأدب مره ومرتين والثالثه انتي بنفسك تروحي لها وتقولي لها ها ياخالتي ايش جدولك اليوم
في مكان حابه نطلع ولا في عزيمه مثلا ؟!
وزي كذا مره تروحي ومره تعتذري ومره انتي تطلبي منها انو تاخذك عشان تفهم انو مو لازم دايم تجي وانتي لو حابه راح تجي وتقولي لها انو حابه اطلع مو انك رافضه الطلعه تماما معاها
انتي بدورك كمان لازم تبيني لها انو لك التزاماتك واشغالك الثانيه بالبيت مو مسأله ملل من الطلعات
احس موضوعك هوا مسأله تعود في البدايه حيكون صعب اكيد بس مع الايام ان شاء الله يفهمو اسلوبك
اما بخصوص موضوع تصويرهم لك .. زوجك ضروري يعرف بأسرع وقت عن الموضوع هذا
لانو لو عرف منهم بتطيح كل الهرجه على راسك وبتطلعي انتي الغلط والي سمحتي لهم
خلي موقف زوجك من الموضوع يكون لصالحك عشان يفهمو انو الي تسويه مو رغباتك لحالك كمان رغبه ولدهم واكيد راح يحترموها
__________________
-
*