رد : ابني ليس على وفاق مع زوجته لأنها غير مطيعة
الف شكر لكل من ابدى رأيه ولن ارد عليكم واحد واحد فسامحونى..
رخامه يعنى ..
اقولكم ايه اللى حصل
لما قعدنا قلت خير طلبتونى عاوزين ايه اجاب والدها نريد ان ننفصل بالمعروف وقام خالها باخراج ورقه مكتوبه واعطاها لخال الواد وقال ده حقها بشرع ربنا ..
قبل مايتكلم قلت شرع ربنا بيقولمادام كارهه ترد حديقته..
تبريه وتاخد حاجتها ونطلق .. والواد يشوف بنته يوم الجمعه ..
كلامكوا انتو ايه ؟
قالو ماالحاج رؤوف قفلها كده .
وشوية مهاترات وكلام مالوش لازمه وفى الاخر قال خالها رايك ايه ياحاج قلتله دى بنتنا وانكشفت علينا وانكشفنا عليها واحنا شاريينها للنهايه ..
ادوها فرصه فتره بعاد عن بعض ان اصرت يبقى زى اتفاقنا ..
رايك ايه ياابوها قال سيبونى شويه ادورها فى دماغى ..
مش عارف حايدور ايه
اعتقد هو ادامه حل من تلاته
يايوافق على الطلاق بشروطى ..يارجع البت تقرف الواد يايروح المحكمه ..
انتو رايكو حايعمل ايه ؟