رد : ابني ليس على وفاق مع زوجته لأنها غير مطيعة
اقتباس:
المشاركة الأصلية كتبت بواسطة kooki3
حترجع بأذن الله
بصراحه ابنك مكبرها خليها ترجع للشغل يمكن تتلهي بدل ما هي متلهيه بأبنك
واذا على المساهمه في البيت حقها تساهم برضاها واذا مش عاوزه مش
ملزومه بس كله كلام حتساهم وحتحط في بيتها اذا زوجها قدرها
ويستاهل انو تساهم معاه
وأظن حيشرطوا بان تبعد الحاجه عن تدخلاتها  وشغل الحموات الي ما
يخلصش  |
ياريت والله ياكوكى
احنا عاوزوين ايه غير كده
نصيحه كوكى بنتى
اوعى تردى على جوزك مهما حصل او تعلى صوتك
عارفه
والله الراجل لما يلاقى مراته ساكته ومابتردش بينكسف على نفسه ومابيطولش ويقعد يلوم نفسه بعدها ..
البنت دى حاجه رقيقه قوى الواحد يخاف يلمسها تتكسر ..
انما لما تتحول لنمره شرسه
على ايه ده كله
هو احنا فى سيرك ..
اقولك حكاية الشغل
انا شخصيا قلتله رجعها الشغل عشان تتلهى فيه والبنت قالتلى انها حاتساهم فى البيت
مش دى القضيه
القضيه انها كانت بتتاخر فى الشغل ده حتى السادسه مساء
وهى راجعه تعدى على المسجد تصلى المغرب وتدخل بيتها الساعه تمانيه والرجل قاعد منتظر لا اكل ولا شرب ..
هى اخدت اجازه ست شهور من العمل وقالتلهم فى العمل انها راجعه تانى رغم رفض زوجها للعوده لنفس العمل
هى تحدته وقالتله راجعه راجعه وابوها مشجعها على كده ..
انا سبق وقلتلها شوفى اى شغل قريب من البيت عشان تقدرى توفقى بين العمل والبيت انما هى مصره العمل القديم رغما عن انفه ..
المشكله انه قرا رد ليها على الفيس منذ اسبوعين تقول لزملائها انها راجعه العمل قريبا واعتقد ان خروجها من البيت مقصود حتى تستطيع العوده للعمل ويصبح امر واقع وتسيب البنت مع امها ..