جزاك الله خير على الرد

وعن الحل ! ماحس راح ينفع !
ساعات اقول اللي فيني مشحونه عليه كثير وساعات اقول لا هذا الشيطان يهديني ويطلع لي اعذار لعصبيتي ونرفرتي منه

ابي اقولك والله يعين .. انا متزوجه عن قصة حب دامت ثلاث سنين ونص كنت انام واصحى ع محادثات الماسنجر وحب في حب

لما تزوجت احس فتور واحيان اقول صح مابني على باطل فهو باطل ربي يعاقبني على حبنا لبعض قبل الزواج وكثير اعاتبه انت تغيرت انت ماتقول كلام حلو لي انت لاهي عني مع انه انسان طيب بس هاااادي جدا
واهتماماته تصفح جرايد ع الانترنت اغلب اليوم ومشاهدة مباريات

فاكون فجأه اطالع له شوي افصل التلفزيون ولا اسحب اللاب توب وانفجر وابكي واقعد اقول تعبت وانا اقولك تغير و و و. وبعدين لما تكبر وتكبر اقعد ابكي واقول استاهل ماكان له داعي كل هالدراما !! بس عجزت عن حالي


حساسه حيييل واي شي يبكيني .. يعني لو يعلق ع شي ومو نيته يجرحني بس هالشي يحرجني مااشوف الا دموعي تتناقز كنه شلال .. وهالشي خلاه يتجنب يصارحني يمكن بأي شي يضايقه فيني

كلن بعد عن الثاني ونقعد باليوم نقول احبك واحبك لين نتعب بس احس خلاص صارت عاده وبس ! احبه واموت فيه ولو يغيب عني يومين ماتحمل بس من اشوفه اغثه ..

نكديه وعصبيه وحساسه وكل شي سيئ احسه انا

ابي اهذب نفسي عجزت ..

المشكله كثير كتبت له ايميل وش اللي تتمنى تغيره فيني ويقول كلك عاجبتني بس ابيك تحترميني وتحترمين هوايتي ( هالكلام ايام كنت اضرب بلاب توبه الجدار ولا افصل التلفزيون ولا اسوي شي مجنون ) الحين لهيت ولو يجلس كل يومه ع النت ماعلق بس لما اعصب من شي تافه اقول انا مشحونه من النت اكيد ومن اهمالي بس احط الحره بشي صغير

وربي تعبت من حالي .. هو طيب ويحبني بس. من كثر ماعصب وهو عصبي بس معاي لا بس من كثر مااعصب صار نار كبرى معاي وقت ماعصب وانا مستحيل اتنازل لو ايش اذا هدد ازيد وازيد ولا اني اوريه اني ضعفت او خفت فهذا يكبرها دايم موتي وسمي لاقال اعقلي يابنت هنا اتحداه وازيد الطين بله واتعببببه واتعب بس ماوضح لو اجلس الليل كله اتحداه الا احس اني انتصرت وبعدين يقول انتي مسكينه والله بزر بزر حركاتك ! هنا اطخ وانحرج من نفسي واقفل ع حالي وابكي واسب حالي لين اتعب

ادري طلعت وحش بكتابتي فوق عن نفسي بس هالكلام وقت الزعل ووقت الرضى ماحسن مني معه بس ماينفع دامي اخرب كل شي وقت الزعل

الحين انا بغربه واطفالي بالسعوديه وتعبت من نرفزتي ومافيه حوار بيننا اي نقاش بسيط لازم نختلف فيه واقعد اقول قفل الموضوع انا وانت مانصلح لبعض خلاص !!!! مافي شي واحد يستاهل نكمل


على فكره انا عمري 27 وهو 32 كنت اول لما اتهاوش اقول عمري 21 بكرى بعقل 22 بكرى بعقل

مر العمر وماعقلت وكل مالي اسوأ ويزيد الشرخ بيننا

الله يهدي النفوس