اولا برد على كرستالا ياحبيلك ياشيخه لو المويه الحين نزلت كان ماشفتيني هنا كان انواع الافلام

انا اقصد ولادتي الثنتين السابقه مااعرف انها ولاده الا بالمويه اكون في امان الله وفجاه تنفتح بدون مغص بدون الم مع فارق شديد بالولادتين المره الاولى انفكت وكان مفتوح 3 سم والثانيه انفكت وطلع 9 سم تخيلي الفرق

لو انا قست ولادتي الثانيه ع الاولى كان رحت وطي قالو لي لو تاخرتي شوي كان ولدتي بالسياره

انا اللي راعبني بعد موضوع المويه الكشف عجزت اتقبله او اتخيله متشنج فكري من جد اكره احد يمسكني بالمنطقه ذي وتخيلي كمان مع وضع طلق وولاده وخوف وانتي تكوني جبانه بالفطره شي مرعب


تخيلو لي كم يوم حاسه بمغص وقولوني مخبط معاي مره اسهال ومره امساك وحاسه بحراره بظهري خفت لاتكون طلق
توكلت على ربي ورحت المستشفى اليوم قالو الجمعه لازم استدعاء وطلبو دكتوره وجت وشرحت لها وضعي قالت لازم اكشف قلت لا ابي سونار بس قالت ماراح يوضح ان الرحم مفتوح او لا خلينا نكشف حرام تدفعي قيمه السونار بس كشف خفيف

قالت شكلك بكريه قلت لا ثالث حمل قالت بلا دلع تعالي نكشف قلت انا لو حاسه انها ولاده مااكشف الا بالقوه فما بالك جايتك برجولي كذا ومروقه جلست تضحك علي

رفضت وصلحت سونار وطلعت مااستفدت غير اني عرفت ان الجنين كويس بس الرحم مفتوح ولامقفل ولا فيه طلق او لا ماادري

بس قالت الطلق مغص متواصل وقالت لاتشيلي هم لايمكن تولدي بدون علامه فارقه مغص متكرر او مويه تنزل او دم او افرازات كثيفه وشي زي كذا


تطمنت نص ونص


ملك والله اني ودي بالعمليه عشان الكشف استغفر الله مع ان الطبيعي رحمه من ربي والعمليه اكيد تعب بس انا زيك اتحمل اي شي الا فكره الكشف بنجن ليل نهار افكر وش الحل


حرام عليهم كل شي تطور الا هالموضوع ليش مايرحمونا ويخترعون جهاز يعرف مقاس الرحم وكذا
مو معقول اجرب يدين احد وكل وحده يدها شكل


انا بس بعرف لي حق ارفض الكشف او لا ولو رفضته كيف يعرفون تطور الولاده
وهل اقدر اركب ابرة الظهر بدري

والالم اللي قبل الابره والكشف كم مره ودي لو هالابره تكون بشنطتي عشان احس بالامان
مرعوووووبه مع انه ولله الحمد والفضل بولدي الثاني ماتعبت بكشف بس مره وحده ولاحسيت لانه كان مفتوح 9 سم بس وسعو لي وحسيت بالدفع والخياطه صح صارخت وانهبلت بس عادي زي العسل على قلبي والله نقلوني للجناح ورحت اتحمم من الفرحه وانا توني مالي كم ساعه وهاوشوني قالو لاتدوخين قلت بعبر عن مشاعري مع نفسي اني مبسوطه ماكشفو علي


وكنت من حملت بالثاني دعوتي يارب تجنبني كشفهم ولاتحيجني له

لو ابي اطلب عمليه يقبلون بدون كشف اقدر ادفع مثلا الحين جزء من المبلغ واولد براحتي عمليه ولا وش الحل


الله يجزاكم خير كل من دعا لي وكل من فتح هالصفحه بعد ويارب تهون علي وعلى كل اخت مسلمه لي ويارب ماتحسون بالكشف ابد


دعواتكم