حلمت في والدي المتوفي هل من مفسر ارجوكم
السلام عليكم في البدايه اسفه ازعحتكم بس ابوي متوفي تقريبااا الو شهر .الحمد الله الحمد لله كان رجل صالح بكل معنى الكلمة حج بيت الله وحافظ اجزاء من القران وتقريبا كان يختم القران كل شعر 12 مرة ومرات اكثر..والحمد الله الكل يمدحه ومعحبين باخلاقه وحتى لما توفى اجو عنا شيوخ يلقنوه االشهادة حكو مشاء الله النور طالع من وحهو ..قعد تقريبا 3 ساعات بس واالله والله والله قضاها يذكر ربنا ويقرا قران ويرضى علينا وع ابناس الي يجو يزروه لما عرفو انو بطلع بروح والحمد الله اتشاهد ورضي علينا كلنا وع جميع الموجودين وكانت جنازتو سريعه مثل الريااااح ..انا قبل حكتلكم انو توفى ابوي الله يرحمة ولانو كنت اشتغل ماكان معي وقت وحسبت بتانيب ضمير اني ما شفتو كلازم مع انو كنت كثير قريبه ع ابوي كثيرر وكان يرضى علي ويضل يحكي الله يرضى عليكي ليوم الدين..انا اعتذر طولت عليكم بالحديث بس لو اقعد مليون سنة مابخلص حكي عن ابوي الله يرحمة والكل بشهد لحسن خاتمت ابوي انو من الصالحين بشهادة شيوخ من الاقصى المبارك (القدس الشريف)..المهم انا بحلم فيه كثير كثير والكل بحلم فيه انو مبسوط وجهو مثل البدر وانو فرحان..قبل نص ساعه حلمت فيه والرجاااء فسرولي اياااه بترجاكم لاني ببكي وماعرفت الا واجي هون ع المنتدى حلمت انو ابوي كان في بيت غير بيتناا بس انا قاعده برا بستنا في نزل من البيت هو وامي وانا كنت تحت كان البيت حلو المهم وانو ابوي كان متوفي بس كانو الموت سفر وهو رجع سلمت عليه باشتياااق وكان جميل جدا لابس بدلتو الي كنت احبها بس بدون الجكيت قميص ابيض وبنطلون اسوج وشعرو خفيف مع لحيه خفيفة ووجهو ابيض زي البدر جميل جداااا بعدين مشينا انا واياه وامي وكان يحكي معي ويضحك وبنص الطريق انا حملتو زي الولد لزغير وامي حكتلي الله يرضى عليكي وانا حاملتو صار يبوس فياا ويرضى علي ..بس كنت مش حاسه بثقل كاني حامله ريشه خفيف جداااا جدااا جدااا وقبل ما نوصل ع البيت( بيتنا الحالي )بشوي تحول بايدي طفل زغير بعمر سنة او سنتين حتى نطقو مش كامل ..بس لما طلعت فيه بحكيلي يابا الله يرضع عليكي رجعيني ع هداك البيت هداك احسن واحلى ..الرجاء تفسير ارجوكم مع العلم ابوي توفى ومعاه سرطان في الكليه بس ما تاثرشكلا بسرطان ضل مثل مهو شكلااا مات وهو شكلو سليم زي قبل والحمد الله الرجاء ساعدوني ..يوميا بحلم فيه وفسرولي هدا الحلم انا مش عارفه شي..ودعو معي يرحم ابوي
__________________
اللهم اجعل قبر ابي روضة من رياض الجنة