رد : اياكي وتاخذي قرض لزوجك خاصه اول سنوات
هلا بنت طيبه
الحمدلله اذا حياتكم صافيه الله لا يغير عليكم الحال الا الى احسنه
انا اشوف الوظيفه مصدر رزق وامان
اذا الزوج صار له ظرف او ففقدت الاسره رب العائله
زمان كنت مقتنعه ان المراه تقعد ببيتها خاصه اذا وظيفتها متعبه
بس الحين اشوف الحياه صارت صعبه وكثرت متطلباتها
وحلو الوحده يجيها مال تتصدق وتعطي منه
حلو الواحد يعز والديه بكبرتهم ويهدي لاحبابه ويهدي لنفسه قبل كل هذا
ويغتني
وترى كثير موظفات ومرتاحات
ومتعاونين والحياه تمشي
ولكن بالاساس يحط الرجال فلوسه لخدمه بيته واهله وان قصر لالتزماته تعاونه هي
مهب يخش راتبه ويخطط على راتب هالمسيكينه
وحافز طلع بلاوي وهو راس ماله الفين بس
الي حذاه لنفسه والي تهاوش مع زوجته عليه
ترى مجرد ان الزوجه تشيل نفسها هذي نعمه كبيره
والي يقول ضريبه خروجها من البيت
اقول ادفع ضريبه خروجك بالاستراحه مع اصدقاك
هالوقت بيتك وعيالك اولى فيه
الله يسخر كل زوجه لزوجها وكل زوج لزوجته
والتفاهم والاحترام والرحمه والود قبل كل شي