فيه ثلاث أنواع للمخطوبات لا رابع لهن
أول نوع ماشيه مع خطيبها بالبركة وماتفكر هذا مناسب لي
ولا لاعايشه عالم رومانسي مع نفسها والادمي مادرى عنها ..
يعني ماتدرس حالته وتفتح عيونها الا بعد ماتتزوج وتتطلع
البلاوي السودا وكان فيه علامات كثيرة قبل ماتتروج.. هذا النوع
من البنات لما تجيني انا اسحب نفسي بهدوء لاني ما اقدر اساعد انسان
مايساعد نفسه .. لان افضل حل هي اللي تتعب بنفسها وتحل مشكلتها

النوع الثاني .. عارفه وفاهمه جوه ومتنبئة بشكل حياتها
وعارفه انه هذا الخطيب مو مناسب ولا ينفع بس عشان ماما وبابا
والجيران اموت احسن ..واتزوج واتدردب واشحطط عيالي وامرض نفسي
ومدري وقت الجد يفزعون معها ولا كلن يرفع يده ويقول ماجبرناك
ويومنك عارفه وافقتي ليه .. الحين العيب فينا... روحي حاسبيه وسوي
عليه شخصية واتفرعني عليه مو احنا !!! وهذا الموقف حصل فعلاً ومن الواقع احكي

النوع الثالث والأخير.. البنت المتزنة واللي تعرف لكل مقام مقال
تدرس حالة الادمي وتحتفظ بقلبها ولا تسلمه الا اذا شافته يستحق
او تنسحب بكل بساطة وثقة إذا شافت الأمور مو مناسبة
ولا تسمح لنفسها بالتنازل في حياتها عشان الاستجداء العاطفي
والنفسي اللي كالتالي .. انت كبرتي .. ماراح يجيك احسن منه
ياكثر اللي رفضتيهم خلاص ماحيجيك عريس.. امشي عشان اخواتك يتزوجو
بعدك ... تزوجي خلاص كل الرجال كذا تعبانين وعندك فلانه وعلانه مثال
.. كل الرجال كذا وشوفي ابوك وصبرت عليه ومشيت الحياة... وهلم جرا
بل بعد ماتتركه بعض الاسر يجلسو ورا البنت .. تركتيه شوفيه خطب واتزوج
ومافيه عيب .. وبعض الاسر تتفهم .. وانا شخصياً اعرف وحده بهذلوها اهلها
لما رفضت كذا عريس مو مناسبين ولما رزقها ربي بالزوج الصالح صارو الاهل يمدحو
فيها وفي اتزانها

عموماً سواء كان الاهل في صفها اولا في النهاية هي اللي راح تتزوج
وهي اللي راح ترتاح .. اما اللي تتزوج حيالله زواجه اول من يطفش منها
اهلها من كثر مشاكلها معاه .. وهذي كمان من الواقع

وكل وحده تنام عالجنب اللي يريحها
وبالتوفيق للجميع..