رد : (مميز) زوجة معدد؟ ...... تفضلي
اقتباس:
المشاركة الأصلية كتبت بواسطة cila
سؤال عن الخادمات
يعني لا غنى لكم عالخادمات بمعنى ضروري بحياتكم المعيشية
لاحظت ان الاغلبية عندها خدم بالبيوت ..
مافي ضرر منهم ..
الغالية مهرة معلش خذيت مساحة من موضوعك الامر الفتني كثيرا
فاحببت الاستفسار.
|
خذي راحتج يا أم جابر .. واسألي ما بدا لج.
زمان قبل ما أنتقل لبيتي .. كنت أقول الله لا يحوجني للخادمة .. وإن شاء الله أحاول .. وإن شاء الله أقدر .. وإن شاء الله حاجات كثير 
ما كنت أدري بالسالفة لأني في الواقع ما عمري جربت أمسك شغل البيت كله بروحي ... باختصار كنت أتفلسف على ما يبدو
حالياً شغل البيت ماخذ جزء معتبر من اليوم .. بالإضافة إلى العناية الروتينية بالصغار + دراسة سلطان .. مع العلم إني ما أكوي الثياب .. ولو كويت خلاص ضاع اليوم كله.
وصار لي يومين ما أنام بعد الفجر عشان أبدا شغلي بدري وأحصل استراحات قصيرة بين كل شغلة والثانية.
والأسبوع الماضي كنا معزومين على حفلة خطوبة .. وما قدرت أروح لأني ما كنت قادرة أسهر.
يمكن اللي متعودة على شغل البيت بتفاصيله تقدر تنظم وقتها أفضل وتكون مرتاحة أكثر .... بس أنا لقيت نفسي في معمعة ما كنت متعودة عليها بصراحة .. ويمكن عشان جذي حاسة إني أنجزت إنجاز عظيم
__________________
اللهم طِيبَ الأثر .. وحُسْنَ الرحيل.
التعديل الأخير تم بواسطة مهره ; 24-04-2014 الساعة 05:37 PM