رد : خايفه من الكشف اكثر من الولاده
صعبه المنال الله يهون عليك ويارب تكون اسهل ولاده لك مغصني بطني يوم حسيتك قربتي تولدي كانه انا اللي بولد
الله يتمم فرحتك وفرحتي وكل بنات المسلمين يارب
بنات جهاز الطلق عادي يقيس الطلق بس مايقيس كم الرحم مفتوح اتوقع كذا
لانهم ركبوه لي من دخلت بالطوارئ لحد مااتوقع اولد ويطلع قراءات معينه يفهمون الطلق كيف وضعه
بس مايغني عن الكشف والدليل انهم حاطينه علي وكشفو كم مره
استغفر الله من الخوف افكر اروح واتفق مع الدكتوره تولدني عمليه وتقول لزوجي انها لازم تولد عمليه عشان ارتاح نفسيا
واحيان اقول هذيك بس ولادتي الاولى وابرر اني بكريه واول مره عشان كذا تعبت
انلحس مخي من التفكير تصدقون ماودي احجز موعد عند الدكتوره اقول خلاص بقعد ماراح اروح المستشفى لحد وقت الولاده
انا مشكلتي نص اللي فيني اذا مو كله خوف مو الم قد ماهو توتر انا في الاساس بالقوه ركبت اللولب بعد ولادتي الثانيه من كثر الخوف وبكيت لين شبعت كانها ولاده واقوى وانا ماحسيت بشي بس خوف من هالكشف
ادعو لي يااني اروح واصله زي ولدي الثاني واولد بدون كشف او اروح بدري واخذ ابره الظهر
اهم شي اني مااروح في النص
الله يتمم علينا وعلى كل حامل ولايخسرنا تعبنا يارب
اللي حامل وتولد قبلي تجي تطمنا على تجربتها