اشكركم على تقبلكم

اللي قالته نهار التجديد هو اقرب لأحساسي
انا كنت متدينه وأحرص على ديني وأعاتب نفسي على ذنوبي
الا انه في شعور داخلي معاي من لمن كنت صغيره
وهو اني لمن أقرأ القرآن أكذب الايآت داخل جوفي
وكان عندي كره للمصحف اتمنى لو أني اقدر امزقه
وكنت اتجاهل هذا الشعور واستغفر الله

لكن قبل تقريباً 10 شهور صار الفكر هذا مسيطر علي
تركت الصلاه
وانجذبت للمسيحيه مع اني داخل نفسي مؤمنه بأن الله هو الإله لاشريك له
صرت اقرا عن دينهم واحبهم واعجب بترتيلاتهم
وبأجراسهم وبطريقة عبادتهم
وبكلامهم وكنت اتمنى يصير معاي نفس اللي يقولونه
يغسل قلبي من الكره والحقد وارتاح

ثم قرأت الانجيل ولم اشعر بروحانيه وتركت كل شي
وخرجت من معمعت المسيحيه والقراءه فيها

حاولت ارجع للصلاه لكن والله ماقدرت
شي من داخلي يمنعني
ويقول لي خلاص ماعدتي على دين الاسلام
ليش تنافقين وتصلين وانتي مو مقتنعه

احيان اضطر اقرا القران او اسمعه
اقراه مثلاً لجدتي لانها ماتعرف تقرأ
اذا قريته ووصلت لأيات العذاب خلاص ما اقدر اكمل
واحس بكره للأيات والكلام
صرت ما اقرا شي لجدتي
صرت اذا احد شغل القرآن اسد اذني
ما اقدر اسمع واحس بكل معنى هالكلمه نفسي من داخل تعاف القران

طبعاً طول هالشهور مافي رادع ولا ضمير حي مابقى شي
من المعاصي ماسويته
بل احيان كثيره اندم على وقت اللي زمان كنت صاده فيه عن المعاصي
احس اني كارهه كل شي بالدين
وابغى اعيش من دون دين

زمان كنت اشوف رؤى
وتتحقق
وكنت اكتشف اشياء كثيره من خلالها
الحين مررره ماصرت احلم لي شهور
حاولت اجدد ديني اكثر من مره لكن ماقدرت