سقيا الله يسعدك ياشيخه جاري شراء اللي قلتي عليه بإذن الله بس بجمع كم راي كمان عشان انزل مره وحده للسوق مافيني اطلع كذا مره

العقد الفريد احنا عائله كبيره غصب نستقبل مع العلم انا نفسي انهم يبطلون هالعاده واشوفهم بعد النفاس بس مافيه امل من اطلع زيارات لحد ليله الاربعين ومع ذلك وناسه وصله رحم وجزاهم الله خير ع زيارتهم لي تظل لها قيمه كبيره


كرستالا ياقلبي اول بنت واتمنى البنت من ربي خلقني احب البنات ايام الجامعه تسلفت بنت اختي منها وعطتني اياها سنه كامله ويوم شافتني تعلقت ببنتها والبنت خلاص كاني امها اخذتها مني ماتنلام بصراحه خافت من اخرتها ههههههاااي

صرت مدمنه على بنتها ولما اخذتها زعلت منها قلت حرام عندها غيرها بنات تتركها لي شين وقوايه عين
وتزوجت وقلت ربي بيفكني من تعلقي ببنات الناس ورزقني الله بولدين ربي يحفظهم يسوون عيوني وماخذين عقلي بس لو جتني بنت بسحب عليهم كلهم للامانه الله يعينهم علي

والله وانا اجهز احس ماادري وش اشتري من الفرحه يارب لاتكسر فرحتي حتى بغيت اشتري مناكير وبغى يذبحني زوجي قال انهبلتي مره وحده قلت خلاص اجل لاولدت بنقشها ماعندي وقت 😂😂😂

ندى جزاك الله كل خير

انتظر راي باقي البنات

كرستالا شغلك في اولادك حلو وذوق بصراحه مصحف مافيه اجمل من كذا هديه

شوفي انا بالمستشفى صعبه استقبل لان اغلب احبابي صعبه يوافقهم هالوقت ويناسب مواعيدهم ولو ناسب البعض برضوه بيظل فيه ناس ماجت خلاص اخليهم كلهم يجون براحتهم افضل

وبعدين انا بولدي الاول ولدت برمضان وولاده مبكره وظل ولدي بالعنايه كان نفاس كله نكد بنكد اعوذ بالله تعبت فيه بشكل غير طبيعي

ولاجهزت الا حاجات عاديه وبايخه بالاصح اصلا ماجهزت الا بعد الولاده وبدون نفس

بالثاني الحمدلله جهزت له ولنفسي من بدري بس ماكنت متحمسه مره كانت امي الله يرضى عليها شايله الليله اغلبها هي تجيب وتحط انا مااهتميت ذاك الزود

هذا سبب اهتمامي انها بنت ولله الشكر من قبل ومن بعد
والسبب الثاني ولادتي ببيتي وابي ابين ل اهلي اني قد المسؤوليه واعرف ارتب لوحدي زين
والسبب الثالث الغالبيه اول مره يدخلون بيتي وودي بشي يكون يفتح النفس

وسلامتكم ياحلوات