المشاركة الأصلية كتبت بواسطة ريهام الاسمري

انتي سألتي بشكل عام واكيد كل مشكله لها رد وتختلف عن الثانيه...
بس على الاغلب ان مشكلتي الاساسيه انه ماعنده وقت لي ولاولادي ويفرد عضلاته قدام اخواته ...العاده اجلس معاه واقوله اذا انت ماهتميت فينا ومارست دورك كأب مين يعطينا هالحق والعاده يحط اللوم على اخواته انهم يكرهونه حياته لو ماسوا لهم اللي يبون ومو علشانهم علشان امه وابوه مايزعلهم...قلت جرب لو مره وحده توقف لامك وابوك وتقولهم انا رجال متزوج وعندي بيت واولاد ومسؤليه واربع وظايف ...
طبعا يرفض هالشي...والسفر قلت له خلي اسبوع اجلس معانا وشوف طلباتنا واسبوع سافر وشوف اشغال اخواتك احيانا يلتزم بس الاغلب اخواته مايرضون وبأتصال ينسى الاتفاق ....وعالاهانات قدام اهله اسكت ولمن نروح البيت اتكلم واسأله ليش سوا هالشي اغلب الاحيان يعتذر ويقول انه ماقصد شي بس وش فايدة العذر بيني وبينه...ولمن اخواته يرفضون له طلب او يرفعون صوتهم عليه هو مايتكلم مع انه كبير جدا عنهم انا اتضايق واقوله ليش ماتوقفهم عند حدهم وترفع صوتك مثل ماتسوي فيني هذا وانا اخدمك واشوف طلبات وانت موفر لهم الحياه الكريمه...يمكن تصرفي هذا غلط بس يقهروني وماقدر اسكت...
واذا بدر منه شي يخص اولادي سوا ضربهم قدام احد او حرق قلوبهم ونزلهم السوق واشترى العاب لعيال اخواته واولادي رجعهم يبكون او اخذ عيال اخواته وطلعهم واولادي ماخذهم وهم يطالعون فالموقف هنا بصراحه انا مستعده اسوي اي شي حتى لو غلط وصار مايغلط عليهم مو حب بس يتحاشى المشاكل معاي لان همي الوحيد اولادي يعيشون حياه احسن من حياتي مع اهلي ومع زوجي ...