اقتباس:
المشاركة الأصلية كتبت بواسطة soqya
وعليكم السلام ورحمة الله وبركاته ..
مرحباً أختي الكريمة ريانه ..
سؤالي إليكِ من أخذكِ إلى هذا الأمر ؟! هل فضول أم ماذا ؟!
ماهي الأفكار التي تأتيكِ الآن وتلح عليكِ بشدة ؟!
قري عينا لديكِ ضمير يقظ حيّ يخاف ..
أقبل النقاش معكِ وبكل صدر رحب ..
أنار الله بصيرتك ..
|
نقطه واحده كانت معاي من وانا صغيره
اما الباقي تقريباً قبل 10 شهور ظهرت لي هالافكار
ماكان فيه سبب احس ظهرت لي من ولا شي
او يمكن السبب يخفى علي
رغم ان التويتر ساهم في مواجهة هالافكار
لأني بالصدفه عرفت حسابات بالتويتر تقريباً لها شكوك مثلي
ويتناقشون ويقولون كل اللي يخطر ببالهم من دون اي قيود فكريه
ودخلت معاهم وبدات اناقشهم خارج التويتر
اكتشف ان بعض الحسابات وهميه والبعض همه وشغله الشاغل يخرب دين اللي يدخلون هالمنشن ويزيدهم شك ويحسسهم ان الوضع طبيعي
واشخاص نفسي عندهم مشكله يحاولون يلقون لها حل
ويبغون يطلعون من دوامة التفكير
الفكره اللي الحين بهالوقت تلح علي بشششده
الايمان بالقدر خيره وشره وقدرة الانسان على الانجاز او عدم الانجاز والعصيه وقدرته على اجتناب المعصيه
اذا الله كاتب لنا هالحياه قبل مايخلقنا
احنا نملك من امرنا شي ؟
ليش اذا الانسان اذا جاه ابتلاء من الله
نسمع الرد هذا مقدر ومكتوب ولازم ترضى وتتقبل وتكون مؤمن صادق مو ساخط
لكن بمجرد ما ان نفس هالانسان يسوي معصيه او ذنب بسبب شهوه الله خلقها فيه
يتحمل ذنبه ويحاسب عليه
( ان الله يهدي من يشاء )
ليش الله مايهدينا كلنا
ليش الله يفرق بين المؤمنين
انا اخر شي وصلت له قبل اترك الصلاه ان الله مارح يدخلني الجنه
وان مهما سويت الله مارح يكون راضي عني
بس نفس الوقت الله ممكن يرضى عن غيري حتى لو كانو عمله اقل من عملي