حبيبتى الله يكون فى عونك. احساسك بالندم على مصالحتك لزوجك احساس طبيعى كلنا مرينا بية لما حصل لنا مع ازواجنا اول مرة . كلة فى ميزان حسناتك عند الله.
نصيحة منى انك تعملى زى ما قالت لك دبدوبة لما يحصل خلاف تجنبية تماما ولا تردى علية واستغفرى الله حتى لا تطلعى عن شعورك ولا تعطى لة الفرصة حتى يكرر ما حدث من ضربة لك . اذا كان انسان محترم هيحس بعد فترة (اتمنى ان لا تكون طويلة ) انة غلطان فى حقك ويبتدى يراجع نفسة وبالتدريج صدقينى هيراجع نفسة قبل ما ينطق بالسب .
ممكن يكون انسان مش محترم(سامحينى انا باقول ممكن) وساعتها هيستسهل اللى حصل ويصعد المشاكل والخلاف معك لحد ما يوصلة للضرب بدون داعى لانةيمكن ساعتها يقول اية النتيجة هترجع تانى زى المرة الاولى واتمنى ان لا يكون زوجك من هذا النوع من الرجال وساعتها لو حصل كدة نصيحة منى انك تصعدى الموقف الى اعلى درجات التصعيد عند اهلك واهلة حتى يحس انك لكى ظهر من وراكى ولو رسيت انكم تنفصلوا اكيد دة هيكون احسن لك من الحياة مع هذا النوع من الرجال .
قلبى بيقولى ان زوجك من النوع الاول من الرجال اللى بعد فترة هيحس انة زودها معاكى .ربنا يهديهولك ويهديكى لية اللهم آمين .