نفس الشيّ واجهته.

بالضبط وكان الضغط من أهلي كبير عليّ.

لكن في آيه في القرآن سورة يس (وَاصْبِرْ عَلَى مَا يَقُولُونَ وَاهْجُرْهُمْ هَجْراً جَمِيلاً )

بصراحه ما قريت تفسيرها ولا أعرف مناسبتها.

ولكن لما قريتها قلت فنفسي .. اصبر عليها و على اذيتها بأني ما ارد بكلام أو موقف مجرد أني ابتعد عنها بدون ما احش فيها و ابين لها اني هاجربتها وابين للناس يعني هجراً جميلا

وقعدت مع امي وابوي الي كان رأيهم يهمني وفهمتهم أني معاد اتحمل وحالتي النفسيه تعبت.

وقلت لهم الآيه ووضحت لهم موقفي والي بسويه..

قمت لما اشوفها اسلم بدون ما احط عيني بعينها ولما تسولف اصد بجوالي أو (في رمضان) كنت اكمل ختمتي .. جزاها الله خير خلتني أختم القرآن فاسبوع واحد ههه

وهي فهمت وقامت تخاف تكلمني عشان ما اسفهها..

وبنفس الوقت كنت أقعد على سجادتي واقول (اللهم اسلل سخيمة قلبي) واقعد ادعي لها بالخير و الصلاح وان الله يشغلها عني بالخير وادعي وداعي والله اصيح صياح من القهر


الي سوته فيني مب هين .. لعبت فسمعتي بين أهلي و خربت نصيبي فالزواج كم مره .. الله يسامحها يارب.

فالبدايه كنت أدعي لها بس كارهه وأقول لازم أجبر نفسي .. وقلبي كله حقد وغلّ..

وكنت ما اعرف انام من الكره الي فيني وسواد القلب عليها.

وبعد فتره من أني أتجنب أقعد معاها و أكلمها بس بدون ما اوضح موقفي مجرد انساب بدون اعلان.

بعد سنتين تقريبا.. صرت عااادي أقعد معاها واكلمها "علاقه رسميه جداً" لكن معاد اكرهها مثل قبل

وقلبي نظف ناحيتها .. وقمت افكر بعقلانيه تجاهها وأعذر تصرفاتها.

فعلاً فعلاً كاان علاج ناجح جداً جداً بالنسبه لي.. جربي وإن شاء الله راح تدعين لي

على فكره حتى أحنا البيت جنب البيت فلا تحطين القرب عذر!!!

التطبيق ممكن.