السلام عليكم

أنا أستغرب من بعض الردود اللي يقول الموضوع مايستأهل او تتهاوشون على كيكه!!

ايه نعم الان في نظر الاشخاص الموضوع مايستأهل لان الشيطان ماحضر عنده

لاكن في وقت الحادثه والشيطان حاضر تشوفون الكيكه هذي قنبلة ذريه

والعضوه ماكتبت مشكلتها الا الموضوع يستأهل أن نساعدها

على العموم ياختي الفاضله لايدخل العناد بينكم والعناد لايحل مشكله

ومن اليوم ورايح إدرسي زوجك وشوفي كيف يفكر هل هو عكس تفكيرك ولا لا

لان بعض الاشخاص سبحان الله يشوف الناس بعين طبعه ونيته شينه ومستحيل يحسن الظن

يعني تحاولين تشاركينه في تفكيره او تساعدينه يقلب الموضوع عليك

كذى حاولي توقفين شوي مثل ماقلت لك إدرسيه

وروحي لاهله ولا تقولين له اي شي جيب ولا سوي ولا اي حاجه

إنتي من خاطرك سوي اللي تبينه واذا قالك وش رايك نسوي كذى علشان اهله قولي له أنا مالي شغل

ابد سوي اللي انت تبيه إن شاء الله لو تجيب راس غليص وقولي له اذا قلت لك شي تقلب الموضوع علي وتفكرني اني حاقده على اهلك ولا مابيك تجيب لهم

انت واهلك بكفيكم

وخليك حازمه في الموضوع معه من هذى الجانب الين يغير تفكيره فيك

لان اهم شي بين الزوجين النية الحسنه اذا كل شخص نيته زينه مع الثاني باقي المشاكل تنحل مع مرور الزمن

لاكن اذا العكس والله لو على طلبة كأست مويه تتغير النيه الى حاجه مااحد يتوقعها ان تصل الى هذا التفكير

مانقول الا يارب أحسن النية والذريه