رد : لماذا تفضل الزوجة أن تعيش بعيدا عن أهل زوجها ؟
بغض النظر عن أي من العوامل الي ذكرتها وذكروها الأعضاء
أفضل حل لأسره سعيدة بلا هموم و مشاكل هو عدم تدخل الآخرين فيها
قد يكون أي عامل من العوامل هذي سبب فعلاً لرغبة الزوجه في الانفصال عن الاهل
ولكن العكس أيضاً ممكن جدا جداً.. وممكن يكون أهل الزوج هم السبب ومن لباقة الزوجه وحسن تربيتها أنها طلبت الانفصال حتى تستطيع أن تستمر في حياتها دون أن تحدث مشاكل مع أهل زوجها
أنا زوجي وحيد لا عنده اخوان ولا خوات وأمه غاايه في الطيبه والاحترام والدين.
وأهله عسل.. ما شفت منهم إلا كل خير القريب والبعيد.
لكن لو بيدي ولو مو سالفة أن أمه مالها غيره ماسكتني كان انفصلت
لأسباب قد تكون تافهه بنظر أي شخص آخر لم يعيش تجربتي.
ولكن الانفصال والاستقلال بيحقق لي أهدااف كثيييييره أحلم فيها.
برغم طيبة أمه الي ما اشك فيها ابداً ولكن في اختلافات كبيره فوجهات النظر وانا لاني احبها كثير اخاف واكبر خوفي بكره يصير خلاف أو يصيدني ضغط نفسي كبير لأني أتحمل فداخلي ومستحيل فيوم افضل نفسي على زوجي أو على أمه الغاليه.
وغير هالشيّ كل زوجه تحلم ترتب أغراضها بمزاجها ومطبخها وأكلها بنظامها الخاص وخدامتها تمشي على أمرها هي وبطريقتها
وغير اللبس وانها تاخذ راحتها فالبيت .. بالذات لو في رجال..
مثلا أنا ودي يكون عندي بركة سباحه! ولكن أم زوجي تخاف منها... هذا ادري أنه اختلاف بسيط جدا وتافه ولكن اضرب مثال.
ودي مثلاً أولادي أربيهم على الاستقلاليه و القوه ولكن أم زوجي بتموت على احفاد فاا أعرف أنها راح تدلعهم دلع مو طبيعي !!
ويفدونها طبعا عيالي .. ولو يصيرون خدم تحت رجلها.
لكن البيت المستقل كثير راح يفرق معاكم وجرب .. يكفي تقومون وتنامون على كيفكم .. ضيوفكم على كيفكم . تطلعون ترجعون محد لازم يعرف..
هذا وانا اتكلم عن نفسي وحالتي الحمدلله جدا ممتازه. ما بالكم الي الأم تكون متسلطه وتتدخل كثير أو ملقوفه وتحب تعرف كل شي.. أو الأخوات يغارون على أخوهم!!
أخوي توي للحين ما خطبت له والله أني ليل ونهار أقنع فيه يطلع بيت بروحه.. خوفاً عليه ومراعاة لمشاعر زوجته وأنا أعرف أني أمي بتحطها فعيونها لكن مثل ما احب لنفسي احب لها.
وكل بعيد عزيز وغالي...