رد : زوجي يستغلني ماديا واجتماعيا ..
ﻻ اﻻرض بأسمه مو بأسمي وباللنسبه للضمانات كتب لي شيك بميتين الف قيمة القرض وكتب لي شيك ثاني بأربعين الف قيمة ذهبي لما باعه عشان يكمل على فلوس العمار ..
بس ممكن اعرف ايش بستفيد من الشيكات لو غدر فيني ﻻ سمح الله .. مستحيل اشكي ابو اوﻻدي او اسجنه حتى لو انفصلنا
هذا غير ان صرفي ع البيت مافيه اي ضمانات
وصحيح كلامك الهاشمي المال شي عظيم لكنه اذا دخل اي علاقه يفسدها
انا مشكلتي اﻻساسيه اني غير واثقه فيه احس لو اغناه الله بينسى كل وقفاتي غير كذا علاقتي فيه الحين كلها ارقام وحسابات وكم اخذت وكم صرفت
وسبحان من جعل النفقه شرط القوامه صرت احس ماله كلمه علي واني حرة نفسي لدرجة احيانن يعصب مني ويمد يده علي بعدها افوق واستوعب
من اﻻخير انا اشوف اني صاحبة فضل عليه ودايمن اردد بيني وبين نفسي مربيه عياله واصرف عليه وعليهم وبعد يتأمر اﻻ يحمد ربه .. والشي هذا مو حلو افسد علاقتي فيه
احيان احس اني مادية وان تفكيري بفلوسي حرمني اﻻستقرار والحب لزوجي والفرحه بأولادي اللي انحرمت منهم سنين
واحيان ثانيه احس انو خلاص الى هنا وبس ﻻزم انتبه لتعبي وشقاي وانه ﻻزم يقوم بدوره
والمصيبة اﻻكبر اني متأكده مليون بالمية ان ماعنده المقدره يصرف ويسدد ﻻن كل راتبه اقساط وعمار
انا مادري وش ابي بالضبط وكيف مفروض احس بهالظروف