رد : أختي المطلقة ترفض الزواج تماما
هلا بك ..
لازم لما تجلسي معاها ..
تبددي كل الافكار الي بعقلها من انه الرجال في هالزمن كلهم حقون مشاكل ..
وماعاد فيه الزين .. والانسانه تعيش لنفسها وبس .. وهذا قدري ونصيبي وماراح اتزوج واربي اولاد من الميتم ..
هذه الاشياء كلها انتي اذا جلستي معاها .. قولي لها دائما .. ترا صوتك يوصل لعقلها الباطن ..
ان طليقك المفترض مايسرق منك جمال حياتك .. شوفي كيف الاجنبيات او النساء القويات ..
تعيش حياتها ومايهمها طليقها خلاص انتهى بالنسبه لها .. لكن ما اضيع فرحة عمري وزهرة شبابي عشانه ..
قولي لها مهما الانسان ربى ايتام مافيه زي الولد الي من لحمك ودمك !
وذكريها انه ماضاع شيء من العمر انا اتعجب من الرجال او النساء الي الواحد فيهم يوصل 30 او 35 او حتى 40
ويفكر ان الحياه انتهت او خلصت اجمل سنين العمر .. ما اعرف كم عمر اختك لكن اعتقد صغيره بالعمر ..
انا باقولك نصيحه واحده تفيدك كثير ..
دائما اذا تكلمتي لا تعتقدي ان الانسان الاخر مايسمعك او مايستوعب كلامك ..
مهما ظهرت لك من علامات الطناش او المكابره او العناد .. تأكدي ان صوتك يوصل للعقل
وتاكدي ان اختك تتمنى الي يقويها ويحس فيها ..
جد والله زي ماقالت ( مكلومه ) احساسك فيها شيء عظيييييييييم ..
الله يوفقك عليه ويرزقك كل ماتتمني اي والله ..
نصيحتي لك تكلمي مع اختك باستمرار صوتك يوصل لاعماقها تأكدي من هالشيء ..
وتاخد القوه من كلامك .. احيانا الانسان يكون في موقف يحس ان الدنيا ضباب وتايه وضايع ومو عارف شيء ..
لكن يسمع صوت يرشده او يشوف يد تنمد له .. وهذا شيء كبير وكلنا في حاجته في وقت من الاوقات ..
الله يوفق اختك ويوفقكم جميعا ..