رد : عصبية زوجي واهانته لي الغالية نور الايمان والعالية اونا
اقتباس:
المشاركة الأصلية كتبت بواسطة اوناا
وعليكم السلام ورحمة الله وبركاته
اختي الكريمة ريحانه اولا اعتذر جدا لاني لم ارى موضوعك الا اليوم .
لاا عادي خيتي صحيح كل شوي اطل عالمنتدى انتظراحد يرد علي بس عادي عاذرتك الدنيا مشاغل
واخبرك امرا اني لست استشارية فقط اخت لك في الله فقيرة ولا اقول هذا تواضعا بل والله هي الحقيقة
يخليك ربي ويحفظك من كل شر
واسأل الله ان يصلح ما بينك وبين زوجك
امييييين يارب
بداية عزيزتي
ذكرتي امر العناد لديك ولدى زوجك
وهنا نقطة كبيرة جدا تجعل كل منكما ينفر من الاخر
اظن ان عنادكما هو هو المسبب الرئيسي لكل المشاكل بينكما (والله اعلم)
لكن من كلامك ارى انك مرنة وتستطيعين تغيير سلوكك ومثال هذا ماقالته لك امك (تراددين زوجك )ثم كفيتي عن هذا الفعل
اذا التخلص من العناد ليس صعبا اطلاقا ان شاء الله
ليس مفهوم العناد السلطة وفرض الرأي (اي بمعنى لو تخلينا عن العناد اذا سنهمش )لا
تستطيعي فرض شخصيتك بطرق عدة وارقى بكثير من العناد الذي هو ينبع بالفطرة لدى الصغار (الاطفال)
فكري بهذا الشكل اي انه عندما يقول (زوجك ) شيء حتى وانتِ غير موافقة
قولي نعم وحسناً و....... ولكن لا تجعلي رسائل سلبية تتوجه لعقلك الباطن (هذا حطم شخصيتي وكسرني و.......)
لا قولي لنفسك (داخليا واسمعيها )العناد لصغار العقول اتركُه يقول ما يريد واوافق درءاً للمشاكل .
وبالممارسة ان شاء الله ستسطيعين التخلص من العناد ليس مع زوجك فحسب بل مع جميع من تتعاملين معهم
الامر الاخر والمهم جدا
قولك لزوجك كل البيوت فيها مشاكل
نعم اوافقك الرأي تماما لكن هل تعرفين لماذا زوجك يكرهها رغم انها حقيقة ؟
لانه يستقبل كلامك رسالة مفادها يجب ان نعيش في نكد
وانا متأكدة انك لم تقصدي المعنى الذي فهمه ابدا لكن هو يفهمها هكذا
(لازم تكون حياتنا مشاكل لازم في ضغط وشحن سلبي )
هكذا يفهمها
وصدقيني لو شرحتي له ما تعنيه من اليوم لسنة لن يفهمك الا اذا قدر الله طبعا
لكن ترسب في عقل زوجك ماقلته لك
لذا يا عزيزتي الحل
هو التوقف تماما عن مثل هذه الكلامات لان زوجك يستقبلها بشكل سيء ,
والبديل حتى لو قال هو كلام تذمر وملل من الحياة قولي له (حياتنا جميلة ان شاء الله وابتسمي ,القادم احلى ......)
التفاؤل والكلام الجميل
له اثر جميل جدا على النفس خاصة عندما يكون خارجا من الشخص وهو مقتنع به
يدخل القلوب فورا
والتفاؤل من السنة النبوية كما قال الصحابة عن الرسول صلى الله عليه وسلم كان يحب الفأل
ذكرتي ان المشاكل التي تحصل بينكما بسيطة جدا ولكن تكبر (بالتأكيد العناد هو السبب )
لكن لو سمحتى ان تذكري مشكلة او اثنتين
لانها قد تكون بسيطة من ناحيتك اما من ناحية زوجك فهي امور عظيمة
::::::::::::::::::::
|
فعلا يجب علي ذلك تسلمي
سأذكر منها
زوجي كل يوم العشاء يروح لاهله ومرة قال باخذ بنتي معي انا قلت اوكي بس بغير لها لبسها قال لا مو لازم زين قلت لا لبسها مونظيف المهم قالي يالله اجل بسرعه وطيران غيرت لها عالسريع وسألته هل فيه احد عند اهلك قال لاا قلت خلاص زين ولبستها لبس عادي طبعا لانه مافيه احد ومشطت شعرها وعطرتها واخذها المهم لكا رجعوا وجلسنا نتعشا قالي انها صاحت وجيت برجعها لكن اختي فلانة اخذتها وعطتها حلاوة واسكتت قلت زين اشوا اجل رضت قال ايه جيت قلت له اختك هذي موجودة ليش ماعلمتني انت قلت لي مافيه عندهم احد انا قصدي عشان لبس بنتي يعني اذا فيه احد من خواته بلبسه لبس حلو واذا مافيه احد عادي اهم شي نظيف ومرتب جا هو اللهم ياكافي ردة فعلة عنيفه قال انا اصلا احسبها بتروح مادريت انها بتجلس وزعل وجلس يهاوش انا مالي دخل فيك انا ماراح اقولك شي انتي اذا عندك سوال دقي عليهم واسأليهم ومن هالكلام المهم طول السالفه قلت له انا خلاص خلاص هد ماله داعي كل هذا انا فقط سألت قصدي عشان بلبس بنتي لبس احلى اذا فيه احد المهم جلس يهاوش وانا اسكت مارديت عليه وانسدت نفسي صراحة وقمت جا هو وقام من العشا ماكمل عشاه قولي خوذي ماابي لك عشا طبعا انا ولا كلمته مارديت عليه بشي بس موقفه قهرني سؤال عادي مايحتاج كل ردة هالفعل
ومرة بعد انا كنت عند اهلي تعبانه شوي وفي يوم دق علي قال ابيك تجين تغسلين ملابسي خلصن قلت اوكي مرني المهم ورحت يوم جيت بغسل واثر التايد مخلص وانا كم مرة اقوله ابغى تايد تراه مخلص ولايجيب انا عادي عاذرته يمكن ينسى ينشغل عادي المهم لما جيت بغسل قلت اوووه ماجبت تايد قال لا قلت طيب والحل قال حطي فيري قلت ايه عادي بس الفيري ماينظف مرة زي التايد قال لا ان شاااء الله زين المهم جا هو وطلع وانا حطيت الملابس بالغساله وحطيت فيري وغسلتهن ويوم جلست شوي ومير يجي ومعاه تايد قلت خلاص غسلتهن حطيت فيري جا قال اماك تقولين ماينظف قلت وش اسوي بس عاد خلاص ان شاااء الله ينظف انا مادريت انك رايح تشتري كان علمتني انتظرك زعل وقال ماتشوفيني طلعت قلت ايه احسبك طلعت كذا لين اخلص شغلي وبترجع توديني لاهلي المهم ويوم طلعت الملابس من المجفف لقيت اثنيين من ثيابة مانظفن مرررة وقلت له جا ثاير وزعل ويهاوش ويسب ويشتم انتي ماتفهمين واللى متى بعلمك غبيه ومن هالكلمات اللي ماله داعي جيت انا هديته قلت خلاص مايسوا كل هذا اللي مانظفن اغسلهن وقت ثاني ان شااء الله بس ماتقبل وجلس يهاوش واخذ له ثوب هو يكويه انا طلعت وتركه وجلست بغرفتي انتظره يخلص ويجي يوديني لهلي واسمعه يشتم بس تركته وبصراحة حز الموقف بخاطري انا لي كذا يوم تعبانه عنه ماشفته وجالسه عند اهلي وجيت عشان اغسل ملابسه علما اني جيت بيوم خميس يعني جمعه خواتي وماقلت ودهن للغسال ولاشي ومع ذلك ماسملت منه كذا يكافئني صراحه قهرررني بس وش اسوي تعودت عليه دااايم مايتقبل اي شي ويقلبه لهوشه والمشكله انه انا االي دايم بنظره اجيب المشاكل وانا اللي اشوفه انه هو اللي يحب المشاكل وكل سالفه يقلبه مشكله
والمواااااقف كثيييييير بس اكتفيت لك بذولي واذا تبين بعد الجعبة مليانه
فووشرايك من بنظرك الغلطان انا والا هو ؟؟