رد : عصبية زوجي واهانته لي الغالية نور الايمان والعالية اونا
اقتباس:
المشاركة الأصلية كتبت بواسطة ريحانة زمانها
فعلا يجب علي ذلك تسلمي
سأذكر منها
زوجي كل يوم العشاء يروح لاهله ومرة قال باخذ بنتي معي انا قلت اوكي بس بغير لها لبسها قال لا مو لازم زين قلت لا لبسها مونظيف المهم قالي يالله اجل بسرعه وطيران غيرت لها عالسريع وسألته هل فيه احد عند اهلك قال لاا قلت خلاص زين ولبستها لبس عادي طبعا لانه مافيه احد ومشطت شعرها وعطرتها واخذها المهم لكا رجعوا وجلسنا نتعشا قالي انها صاحت وجيت برجعها لكن اختي فلانة اخذتها وعطتها حلاوة واسكتت قلت زين اشوا اجل رضت قال ايه جيت قلت له اختك هذي موجودة ليش ماعلمتني انت قلت لي مافيه عندهم احد انا قصدي عشان لبس بنتي يعني اذا فيه احد من خواته بلبسه لبس حلو واذا مافيه احد عادي اهم شي نظيف ومرتب جا هو اللهم ياكافي ردة فعلة عنيفه قال انا اصلا احسبها بتروح مادريت انها بتجلس وزعل وجلس يهاوش انا مالي دخل فيك انا ماراح اقولك شي انتي اذا عندك سوال دقي عليهم واسأليهم ومن هالكلام المهم طول السالفه قلت له انا خلاص خلاص هد ماله داعي كل هذا انا فقط سألت قصدي عشان بلبس بنتي لبس احلى اذا فيه احد المهم جلس يهاوش وانا اسكت مارديت عليه وانسدت نفسي صراحة وقمت جا هو وقام من العشا ماكمل عشاه قولي خوذي ماابي لك عشا طبعا انا ولا كلمته مارديت عليه بشي بس موقفه قهرني سؤال عادي مايحتاج كل ردة هالفعل
ومرة بعد انا كنت عند اهلي تعبانه شوي وفي يوم دق علي قال ابيك تجين تغسلين ملابسي خلصن قلت اوكي مرني المهم ورحت يوم جيت بغسل واثر التايد مخلص وانا كم مرة اقوله ابغى تايد تراه مخلص ولايجيب انا عادي عاذرته يمكن ينسى ينشغل عادي المهم لما جيت بغسل قلت اوووه ماجبت تايد قال لا قلت طيب والحل قال حطي فيري قلت ايه عادي بس الفيري ماينظف مرة زي التايد قال لا ان شاااء الله زين المهم جا هو وطلع وانا حطيت الملابس بالغساله وحطيت فيري وغسلتهن ويوم جلست شوي ومير يجي ومعاه تايد قلت خلاص غسلتهن حطيت فيري جا قال اماك تقولين ماينظف قلت وش اسوي بس عاد خلاص ان شاااء الله ينظف انا مادريت انك رايح تشتري كان علمتني انتظرك زعل وقال ماتشوفيني طلعت قلت ايه احسبك طلعت كذا لين اخلص شغلي وبترجع توديني لاهلي المهم ويوم طلعت الملابس من المجفف لقيت اثنيين من ثيابة مانظفن مرررة وقلت له جا ثاير وزعل ويهاوش ويسب ويشتم انتي ماتفهمين واللى متى بعلمك غبيه ومن هالكلمات اللي ماله داعي جيت انا هديته قلت خلاص مايسوا كل هذا اللي مانظفن اغسلهن وقت ثاني ان شااء الله بس ماتقبل وجلس يهاوش واخذ له ثوب هو يكويه انا طلعت وتركه وجلست بغرفتي انتظره يخلص ويجي يوديني لهلي واسمعه يشتم بس تركته وبصراحة حز الموقف بخاطري انا لي كذا يوم تعبانه عنه ماشفته وجالسه عند اهلي وجيت عشان اغسل ملابسه علما اني جيت بيوم خميس يعني جمعه خواتي وماقلت ودهن للغسال ولاشي ومع ذلك ماسملت منه كذا يكافئني صراحه قهرررني بس وش اسوي تعودت عليه دااايم مايتقبل اي شي ويقلبه لهوشه والمشكله انه انا االي دايم بنظره اجيب المشاكل وانا اللي اشوفه انه هو اللي يحب المشاكل وكل سالفه يقلبه مشكله
والمواااااقف كثيييييير بس اكتفيت لك بذولي واذا تبين بعد الجعبة مليانه
فووشرايك من بنظرك الغلطان انا والا هو ؟؟
|
مليانة ههههههه الله يبدل كل ايامك الماضية بأفراح ومسرات في مستقبلك القريب ان شاء الله
والله اذا جيتي للحكم هو اكيد غلطان في الموقف الثاني
لكن بما انك متعبة لماذا لم تقولي له لا استطيع غسلها وانك مريضة وهذه حقيقة .
احس ان زوجك والله اعلم لا يحب ان يكون مخطيء في نظرك ولا يحب العتاب
حتى لو كان لطيفا خفيفا على النفس لا يحبه اطلاقا
وتلاحظين ذلك من مواقفك التي ذكرتها بمجرد ان تقولي له ليش ما قلت او ما فعلت يزعل على طول
وينفعل بمبالغة
الموقفان الذان ذكرتهما اركز فيهما على قضية الشتم
لن تكون حياة هانئة وبها شتائم ولعن .
__________________
أما والله لو علم الأنام *** لِما خلقوا لما هجعوا وناموا
لقد خُلِقوا لأمر لو رأته *** عيون قلوبهم تاهوا وهاموا
ممات ثم قبرٌ ثمّ حشرٌ *** وتوبيخٌ وأهوالٌ عظامُ
ليوم الحشر قد عمِلت رجال ***فصَلَّوْا من مخافته وصاموا
ونحن إذا أُمرنا أو نُهينا *** كأهل الكهف أيقاظٌ نيام