نصيحه مني يا اختي لا تراقبي لا تراقبي لا تراقبي وربي راح تذوبين من التعب والالم والقهر وشعور مؤلم جدا راح يجيك كل مره يعصر قلبك ويجيب لك خنقه وكتمه ودك تكسرين كل شي قدامك وهو ودك تقتلينه وانتي تتحسرين على نفسك ليه عملت فيني كذا انصحك من كل قلبي انتي واجهتيه حلو انا مريت بنفس هالمشكله وكنت عروس لا تسوي نفس اللي سويته عذبت نفسي سنه كامله من البكي والالم .

ولا تدخلي أي حد بينك وبين زوجك .. كلميه وقولي له ابيك بموضوع مهم اجلسي معاه ويكون هادي وقولي كل اللي بقلبك رتبي كلام متسلسل وخاصه اذا كان زوجك من النوع اللي يتفهم انتي تعرفي طبيعته من غير عصبيه وصراخ وبكي بعد ما تكملين قولي له انا نسيت كل شي وامسحي رقم البنت كوني انتي الأقوى لا تخلي وحده ضعيفه نفس تضعفك انتي الان في مصدر القوة انت الأقوى هو زوجك وانصحك لا تفتعلي مشاكل ولا تغلبيه بسبب حقدك من هالسالفه وربي انتي الوحيده اللي راح تتعبي يحتاج الموضوع قوه بس اذا تبين زوجك وبيتك حاولي وحاولي وحاولي اكسبيه في صفك .وخبريه انه يحترم رغبتك وينسى هالبنت ويسوي لها حظر وانك واثقه فيه وانه هنا تبدون حياه جديده وصفحه جديده وانه أي مشكله تقوي العلاقه ما تضعفها وبيني له حسن نيتك وثقتك فيه واتركيه لله اعملي واجباتك واذا كان يخونك ربنا راح يفضحه قدامك الا اذا شفتي شي بعيونك او شفتي انه تمادى او غلط بحقك اصحك تسامحين او تطوفين بسهوله من حقك يحترمك .

والله يوفقك بس احب اقولك انا رغم كل الألم دعيت ربي ليل نهار يهديني اللي فيه الخير والصلاح واحس ربي مسح على قلبي من هالموضوع وتجاوزته .