المشاركة الأصلية كتبت بواسطة ربا123

شكرا لردودكم
انا ما اقول اني مبتعده عنها تماما لا ساعات اجلس معها. بس تكون الجلسه كلها سب وشتم او غيبة في فلانه وعلانه وهذي سوت كذا وكذا. انا صرت اكره الجلوس معها صار عندي عقد نفسيه بسببها.
ماضيها عادي زي حاضري انا الان. امها كانت متسلطه زيها.
توترها وعصبيتها وشخصيتها الوسواسيه سببت لها بمشاكل وامراض.
طيب انا بعطيكم امثله كمان. اذا جيت اتقرب منها او عملت أي شي في البيت ترتيب تأنق مباشرة سب وشتم انت انانيه بتحب نفسك تبغى تتصرفي في البيت على مزاجك بس ملتهيه. حتى اذا عملت حلى او أي شي لها تحبه. مباشرة صراخ تبغي تخليني انظف من وراك يلي وسختيه. مع اني انا انظف بعد كم ساعه بس هي تبغى كل شي يمشي على مزاجها لازم بنفس اللحظه انظف لو كنت مشغوله بمليون شغله.
تحب المال حب جم. لدرجه حتى لو جبت لها هديه مباشرة ليه تشتري انت مسرفه الفلوس بس تضوعيها. اذا بشتري شغله سخيفة بيكون ابوي موافق هي لاء لازم مليون ساعه اقنع فيها حتى توافق! واذا ما اقتنعت تتكلم مع ابوي وتخليه ما يشتري.
اخوي اذا جيت اطلع معه مشوار او راح يشتري شي لازم موافقتها واذنها ثلاث ساعات.
تبغى تكون محل اهتمام كل العالم اربع وعشرين ساعه.

انا خلاص فاض فيني الكيل احس نفسي جالسة بسجن شخصيتها متعبه لاخر احد. كيف ابوي صابر عليها كل السنين الله يعين.
ساعات اقول لازمها طبيب نفسي يعالجها. او لازمها رقيه فيها عشرين جني.

اعذروني ما اتصورت في يوم من الايام اتكلم على امي بهذي الطريقة ولو على منتدى, بس انا مضطره.