اقتباس:
المشاركة الأصلية كتبت بواسطة لَيْلَاه
زوجي زيك تماما
انقهر صراحة لما اشوف أخواني يتباهون بشترياتهم و أناقتهم وملابسهم و جوالاتهم و يتنافسون فيها و زوجي و لا تهمه هالأمور
انقهر صراحة لما اسافر و اشوف شباب خليجين كاشخين في المطارات أو الأسواق وهو لابس صندل والله العظيم زي صندل أبوي  لدرجة أبوي مرة غلط و لبس صندل زوجي !
زوجي ما غير جواله النوكيا الا قبل سنة و كان هدية مني !!
زوجي أنا ركبت له تويتر و انستغرام وفتحت له حسابات
بس مع ذلك والله والله الحين صرت أشوفه رجّال وسيد الرجال
ما يهتم للتوافه و سفاسف الأمور
مرة بكيت عنده
ليه ما تدلع نفسك و تكشخ ؟ مع إن حالته المادية أفضل منهم ماشاء الله تبارك الله
قال لي هذا جزائي ؟ احرم نفسي عشان أعطيك أنتِ و ولدك ؟
هذا جزائي أكرف ليل نهار و والله ما اقط مع العيال في الدوام قطة غداء أقول أنتوا أولى بفلوسها ؟
خلاني أموت بكى
حتى أبوي معجب فيه .. انسان عاااااقل ماشاء الله
زوجتك بيجي يوم و تعرف قيمتك !و لعلمك الحين أن اللي بدأت أحذف برامج التواصل من جهازي
حسيت إني بدأت أفقد لحظات حياتي بدون ما أحس !
و عرفت إن زوجي كان على حق |
متى يجي هذا اليوم ؟؟ لأني أحس بطولة غيابه ,,
الحقيقة أنا ما ودي أتنازل عن مبادئي .. ولا أريد أن تكون مبادئي سبب الفجوة بيني وبين زوجتي ,,
يعني ممكن أخلي مبادئي مرنة شوي ومقننة ,, لكن إلى الآن ما عرفت طريقة مناسبة ,,
أشار علي بعض الأفاضل بأن تكون الملابس ( غير الثياب )في البيت فقط ,, وعجبتني الفكرة ,,
شاكر مرورك ,,