الحمدلله أنا على قدر طيب من التدين ولله الحمد
محافظه على صلاتي ف وقتها وقراءتي للقران فيها نوع
من التكاسل لكن لا أترك قراءته بشكل كلي ،،
بالنسبه للزي الشرعي سواء كان العبايه او لبسي العادي
أنا متوسطه ف كل شيء بس بشكل عام ما أحب أظهر مفاتني
بشكل ملفت إلا لزوجي فقط ،،

بالنسبه للأفلام ،، بالعكس كنت أرفض اشاهدها معاه
لدرجة أوقات كنت اقوم من جنبه واروح لغرفه ثانيه واجلس ابكي
وكان يقول لي عادي أنا اخليكي تشوفي عشان {نتعلم نسوي حركات حلوه }
بس أنا ماكنت احس بالراحه معاه ابدا وكنت دايما أشعر بنفور تجاهه من جميع النواحي
وبعدها ماقدرت اتحمل هالوضع وكلمت أهلي ومدة الزواج كانت 4 اشهر فقط ،،

ولما تزوجت للمره الثانيه فرحت كثير ان ربي عوضني بإنسان كنت
مقتنعه وراضيه وفيه ومن شدة إنجاذبي لزوجي اندفعت له بكل مشاعري
واعطيته كل شيء من حب وحنان ودلع حتى أتعلقت فيه وصرت ما يهنا لي
أي شيء أسويه الا بوجوده قربي بس للأسف ماكان يبادلني هالشعور الا شيء
بسيط وأغلب الوقت كنت اعيشه ب مجاملات وتطييب خاطر من قبل زوجي
وكنت أسأله دايما انت ليه ما تبادلني هالأحاسيس اللي اعيشها معاك ،،
وكان رده انه مايحب هالأمور ومايعجبه كلام الحب ومايبغاني اقول له كلام حلو
،، ف كنت أشعر بالإحباط لأني انسانه حساسه وفيني احاسيس ومشاعر وعاطفه
كنت احب افرغها ف زوجي من شدة تعلقي فيه ،، وبعد المشاكل اللي بدت تصير
معانا ودخل فيها الشك وما شك صرت اشوف زوجي زي {الرادار }
يترصد لي أي غلطه وانا وقتها كنت { معميه } بحبه ،،

عذرا عارفه طولت بكلامي ولم أكتفي بأجابتي ع الأسئله ب اختصار
بس هالأمور خطرت ف بالي وحبيت أذكرها لأني بدأت أشعر ان طيبة قلبي
الزايده عن حدها واندفاعي بمشاعري المكبوته في داخلي هي اللي وصلتني
لما أنا عليه الان ،،
الحمدلله على كل حال