السلام عليكم
هالموضوع من بعد آخر مشكلة بيننا- مشكلة الكيكة - و أنا أفكر أطرحه بس ماني عارفة ايش أقول
أحس إني ماني فاهمته
زوجي انسان بسيط و سهل التعامل معاه
بس أنا ما فهمته .. هو فاهمني مرة و يعرف كيف أفكر و يقدر يتوقع ردات فعلي بسهووووولة
عكسي أنا !
أنا اتنرفز منه .. و من أسلوبه
أحيانا أحس إني ما أحبه
و أحيانا أحس إني مقدر استغنى عنه
أنا و هو مختلفين جدًا
و أحيانا أحس إنه مو هو الرجل اللي يجذبني
فيه صفات تعجبني
شهم و كريم و طيب و عاااااااقل
وفيه صفات تقهرني
يتفه أغلب الأمور .. عنييييييد مرة .. ماهو منطقي
يعني يقول لا تسوين كذا .. ليش ؟ .. بس مزاج !
أنا ما أحب هالأسلوب
غالبًا قراراته مالها دوافع منطقية .. ما يقبلها عقلي
و هو يدري إنه ما عنده سبب - و قد يكون سبب معارضتي منطقي -
لكن ف النهاية يقول أنا الرجل و أنا اللي أقرر " بكيفي ! "
أنا أحس إني ما أعرفه
ما أعرف مثلًا هو يحبني و لا لا
أول أيام الزواج كنت أحسه يحبني .. الحين صرت ما أعرف !
ما أعرف هل هذا الشخص ممكن يتزوج علي ؟ - مو حور الحديث بس ابين قد ايش انا ما أعرفه -
ما أعرف هل هو سعيد معي ؟
أنا أحس إنه تغير لما نقل عمله مدينة أهله
مع إنه ما يشوف أهله كثير
بس لما كنا بعيدين كان مدلعني
هنا مرة تغير .. حتى واحد من أخواني لاحظ و قالي زوجك من بعد ما نقل تغير !
يعني مو بس معايا .. تغيرت شخصيته
بس ايش التغيير .. ما أعرف
أنا أحس إني غبية .. ما أعرف أتعامل معاه .. ما أعرف أسبر أغواره
ما أعرف زوجي فعلًا
و كنت انتقد الحريم اللي ما يعرفون أزواجهم
و كنت أقول :" لا يوجد رجل صعب .. لكن يوجد امرأة غبية لا تعرف التعامل معه ! "
و في النهاية .. بعد 3 سنوات زواج
اكتشفت إني أنا هذه المرأة الغبية !
أبغى اتكلم أكثر .. عارفة ممكن كلامي مش مفيد .. أو ما تدرون ايش تردون عليا
في النهاية افضفض .. متأكدة إني راح استفيد هنا كـ دائمًا عندما أقرأ لكم ! .. كلكم !

__________________
..