وانا كمان يا خالة مستغربة هالانتقاد الها سبب طلبها للطلاق ما كان عليه اي غبار صح انا بلومها على معايرتها له على عقمه بس ما بتنلام على طلاق نهائيا وحتى الشرع محللها هذا الشئ
و دافعك للرجعة بتنمى يكون نابع من قناعة منك مو من ضغط اهلك و اللوم الي اكلتيه هون
لان يا عزيزتي الي مثل حالاتك في نسوان طلبو الطلاق رغبة بالامومة وبعد طلاق لقو حالهم مو قادرين يرتبطو بشخص ثاني نفسيا ما تقبلو هذا الشئ قريبتي صار معها هذا الشئ وقت قررت ترجع لطليقها كان متزوج من بكر قادرة على الانجاب بس قبلت فيه وبعقمه و قضت حياتها بلا زوج وبلا اطفال ..... اتقدملها شباب كثير بس ما تحملت تكون بذمة رجل غيره
وفي ناس اطلقت وتزوجت من شخص ثاني وانجبت ورب العالمين ما سخطها لانها تطلقت رغبة بالامومة لان الامومة غريزة لا يعاقب عليها الشرع ولا القانون بس مجتمع متخلف بيطلب من المراة تكون مثالية لدرجة تجرد من غرائز والدوافع
وفي ناس صبرت على عقم شريك حياتها ورب العلمين عوض صبرهم بالدنيا وبالاخرة
وفي ناس صبرو ورب العالمين عوضهم بالاخرة
وكل انسان وقدرته على صبر و دوافعه انتي عندك الزوج والحب اهم من الاطفال او عندك الاهم هم الاطفال
بموضوع الاخت حيرة قالت انه زوجها بيغنيها عن تفكير بالاطفال وحبها له فنحن ما بنقدر نقيس ردة فعلها عليكي او على اي امراة بمكانك هذا الشئ انتي لوحدك الي بتقرريه وبتحدديه لانك رح تتحمليه لحالك
انتي شو دوافعك شو رغبتك شو قدرت صبرك
الي طالبتي فيه (طلاق رغبة بالامومة ) والي عم تطالبي فيه مو غلط ولا عيب (رجوعك لزوجك ) لان من حكمة رب العالمين بالعدة والطلاق الرجعي هي انه يجربو الزوجين مرارة الفراق وينظرو لحياتهم من منظور اخر و يتراجعو ويندمو عن طلاق
وبالنسبة لزوجك ليش حتى ما يسامحك اذا شاف تعلقك فيه وصدقك برجعتك له وتنازلك بيرجعلك في موضوع الاخت ندماه بفراقك اطلعي عليه و في كثير مطلقين رجعو لطليقاتهم بعد سنين فما بالك انتو بالعدة بس بتمنى انك تتحملي مقدار التضحية الي بدك تقدميها برجعتك له وما تزعليه او تعايريه فيها لانه مو ذنبه يعني ارجعيله بقناعه تامة له ولوضعه وحطي احتمالية عدم الانجاب مع الحاح بالدعاء لرب العالمين
الله يخترلك الخير ويريح بالك بالشئ الي فيه خير لالك