انا معكم ان الوحدة ما تذل نفسها بس بعض الاحيان تجيني حالات غريبة وهو رجال وابن حلال ما يرضى علي الذل يتأثر ويرفعني ويزعل

امس استأذنته اروح مناسبة وافق رجعت الليل ناداني جلست جنبه قال لي كلام طويل لكن اختصر لكم ان مفهوم كلامه انه احبني حب حقيقي وكان كل همه سعادتي ورضاي وكان يتمنى يبني اسرة معي لكني راضي بقضاء الله وقدره والله ما اخذ مني الانجاب الا لحكمة واكيد انها خيرة لي ولكي وقال انه ابدا غير مجروح مني وان الامومة من حق اي زوجة ومن وجهة نظره حرام على الزوجة تحرم نفسها من الامومة عشان زوج ولو كان سيد الرجال بديت اتأسف له عن المعايرة فقال والله اعرف انك ما تقصدين وحطي في بالك انه ممكن انجرح من اي شخص الا انتي احط لكي مية عذر و انه مو الرجل الصالح الوحيد وفيه الي احسن منه وعنده استعداد يبحث لي عن زوج

الا فتح موضوع ان له صديق نصحه في دولة تعالج العقم بعد الله وانه حجز سفرة وجاته الموافقة من العمل وراح يتكل على الله اذا تعالج كملنا المسيرة قلت له واذا لا قدر الله ما نجحت قال خلاص الي بيننا انتهى قلت والله يا حبيبي عسى ما صرت ام بس ابي اكون معك قال خلاص كلامي نهائي وما راح اتناقش معكي انتي بنت اصول وسلم من رباكي مو ناقصكي الا تصيرين ام واقسم لي انه يحبني ويتمنى لي الخير ويبيني اعيش سعيدة وحتى لو كان ما غيره وقال لا تشيلين هم ما راح اخذ اختك وقاعد يضحك وقال تصبحي على خير وراح رقد

كلامه كان اخر الليل والله يا هو اثر فيني لدرجة فضيعة وما نمت لين الحين قلت لهدرجة هانت العشرة علي وبعته

لمن كنت في بيت اهلي واستخير لرجعته كنت حاطة في بالي الف احتمال اقول يمكن اتزوج وانجب بس زوجي يوريني الويلات قلت يمكن اتزوج واحد ما يخاف ربي فيا يمكن اطيح في واحد حق مخدرات وانا الصالح جاء لين حدي وفرطت فيه

انا ندمانة اشد الندم ما ابغى فراقه لو اعيش بدون امومة عسى ما جبت عيال وابي اعيش معه لكنه مصمم على قراره



امس

__________________
· خير ما أتمنى في الوجود دعائك لي عند السجود ومرافقتك في جنةالخلود