كلامكم جميل...بس الله يتوب علي..
أحاول أحتسبها عند ربي واصبر واتجمل...
بس والله مليت...الوضع فاق قدرتي....
كرهت الحياة اللي هو فيها...
كرهت صوته..
كرهت شكله
كرهت كل شي يخصه....
كنت أشتاق له وأحن له..كنت أموت إذا زعل علي..
كانت نومتي نكد لو مارضى حتى لو هو مزعلني..

الحين صرت مثله
أعطيه ظهري وانام...
بالشهر والشهرين والثلاثه وعشرة..
وبشرتي مالمست بشرته...
حتى الأخو ممكن يحضن أخته...
هو بالغلط مايسويها...

أنا اللي أبادر
وأنا اللي أقرب منه

وهو حسب مزاجه
يا أنه يكون مشتاق يتقبلني
يايكون مو مزاجه فيصدني....

عشان كذا بردت مشاعري تجاهه
أو يمكن خنقتها...

حسيته مايستاهل ..
وعافته نفسي....

حتى لو طاب لي..ماأحس بمتعه...
أعرف إنه مؤقت
وإن طبعه جلف ويمحي كل شي حلو بلحظه
وبيمطرني بلسانه الووووسخ


أنا قلتها لكم

وضعي ماله حل غير الطلاق
بس هالشي صعب علي
مو حب فيه
ولا حتى رحمة بعيالي

ببساطة مالي ملفى...

فمستمره تحت رحمته...يا انه يهديه الله
ويهجد..

يايرمي علي القنبله ويطردني ويطلق...
لحظتها مادري وش يصير فيني
لأني مستحيل أروح لأحد من أخواني لو إن شاءالله أهيت في الشوارع


أنا يحزنني

مو بعده عني
ولا طبيعته انه مو عاطفي ويتودد أو يتلطف معي
مو غيابه كرجل أجد اللذة والراحة والسكينة والآمان بصدره..


أنا يحزنني
ويقتلني

إني كافة شري عنه...
وشعاري معه ( الصمت)..يعني لا أقول ليه..ولا وين...ولا كيف...ولا أزعل..ههههههههههههههههه أصلاً أزعل من بيراضيني هههههههههه
ولا أكثر حكي معه...لأنه هجومي...كلامي مايفهمه..مع إني متحدثة مش بطاله والناس تحب كلامي وتقتنع فيه بس مع زوجي يشوفني شي العكس تماماً..
فالكلام معه مثل قلته...

والله إنه يظلمني وبطلت أقول ظالمني
يغلط بحقي وأمشيها بصمت...

وزي ماقلتوا أتعامل بهدوء معه...

أتجنب المشاكل...

فيقهرني..يجيني ويتمشكل معي في أمور مالي فيها
ويجي يقول أنتي تحبين النكد
أنتي فيك بلا
أنتي مسحورة
أنتي راعية مغازل
مادري وش براسك
روحاتك جياتك..

لو أهتم ببشرتي..بجسمي...برموشي..لابد يدخلها من ظمن الحكي والنغزات...

اللي يسمعه يقول ياالله..قد أيش هالرجال صابر...
الله يعينه عليها...

يعني مرات يشككني فيني...أحس جاني أنفصام...

بس والله أتجنب أحياناً أي عبارة أو إهانه له
والاقي المشكلة تصير وتتضخم وأنا ساكته
وانا اللي فيني وفيني وانا ساكته

لحظتها أدركت إني مظلومة بقوووة
صح أنا مو ملاك
وصح أخطي,,ةيجي مني أمور غلط...

بس أنا مو سيئة
وماأستحق كل هذا....



بعد اللي سواه معي...
من بكره حاولت ماأشوفه...

حتى لمن رجع بالليل..تجنبته...كان واضح إني أتجنبه...
حتى إني نظفت الملحق وبخرته حتى أقعد فيه بعيد عنه...

وبالصدفة جارتي هذي أرسلت لنا غدا...مايحب نوعيته..وعنده خبر..وخليت الولد يسأل إن الجيران بيغدونا الأكل الفلاني..تبي معنا أو تطبخ أمي غدا لك..؟

فدخل وأنا وولدي أتغدا...قال من أرسله؟؟
ماعرفت أكذب..قلت فلانه...

رد بأسلوب تهكمي واضح...بالعافيه....

غصيت بلقمتي..وكملت أكل...


مصيبة الرجال إذا كان مايفكر في زوجته
ولا يحن قلبه
أو يحس إنه غلطان ويحاول إلا يرضيها

إلا لو كانت شهوته شغالة...

وعشان مافيه هالشي...

تبقى الزوجة....مهملة..كان لامشاعر لها...ولا قلب!