اخي الكريم انت تزيد تفاقم علتها بتجريحك

ذكرتني بأحد الإباء عندنا في البلد كان عنده ولد مشاكس ومبتلى به ويحب الموضات وشعره جكس (ابو كشه) وتفحيص سيارات ومشاغب وربعة لهم هتليه ، ابوه انقهر منه واراد يأدبة ويربية ولكن تربيته وعلاجه اوصلته لنتيجة عكسية ، فهو استعمل معه اسلوب الاحراج فمثلاً اذا لم يذهب للمدرسة قال له لييه امام الناس ليه ما رحت المدرسة ؟ تبي تثبت انك رجال يالي ما تستحي تبيني اقلع راسك ياغبي؟ ومره كان الولد سهران في ديوانيه والاب اتى الديوانية وصرخ في وجهه امام كل الناس ياغبي لييييييييييييييييه سهران خارج البيت ؟ وتفكر بخليك تدخن على كيفك؟ قوم بسرعه والا بسحبك في الشارع ، وبعدين الولد اصبحت عنده ردة فعل واصبح متمرد على ابيه ولا يقبل منه وكل ما يتكلم الاب بكلمة يرد عليه بعشر واذا رفع الاب صوته قال له الود اقولك جبببب جب ولا كلمه واذا رفعت صوتك مرة ثانية بتجوف نفسك فوق السقف ، والاب حالياً مهموم ويخاف منه ولده خوف كبير ويحاسب له الف حساب .

اخي الكريم العلاج ليس بالتجريح ولا بالكلام الي يؤذي زوجتك ، كيف نريدها تتكلم وتفتفض لك وانت تجرحها؟ ومن قال لك انك اذا قلت لها انك لو تزوجت اختها افضل هي ستغار وتتغير ؟ هذا لا يغيرها للافضل وانما سيزيد الطين بله ، وسوف تقول في نفسها انا في هم وهو يسمعني كلام جارح واذا رددت عليه سيزيدني هم فالافضل اسكت عنه وانهي المشكلة بسلام افضل من ارد عليه وتكبر المشكلة ومن اليوم سوف اكون صامته افضل من اتكلم بشيء ثم يزيدني هم فوق همي .