المشاركة الأصلية كتبت بواسطة يا رب حقق حلمي

السلام عليكم
الله يهدي بالك و ان شاء الله بتشوف بنتك باعلى المراتب و بتفرح فيها
كيف شايفها متحمسه لسكنها معك
انت بهذا السن خليك قريب منها و كون لها اب و اخ وصديق واسمعها حتى لو حديث سخيف هي الطريقة افضل للتربية لانها بتصير بتحكيلك كل شئ وحتى اخطائها فبطريقة هي بتقدر توجهها للصح وتعالج مشاكلها من البداياتها وهي بحاجة شخص يفهمها ويراعيها صح ما رح تعوض عن امها والنقص عايشته عايشته سواء عندك او عند امها بس امن لها بيت ابوها بهذا السن وكونها عند امها محرومة منك فعندك نوعا ما بتكون مع طرف محرومه منه على اتصال وهذا الشئ ضروري وانتبه لصديقاتها اذا كانو كويسين او لاء
وبالنسبة لاستغرابك من طلباتها شئ طبيعي ما حدا بيعطي من ناحية مادية مثل الاب امها بنتظر للتكافوئها مع باقي اولادها واقصى شئ بيقدرو يوفرولهم اياه
بنتك اول ما تسكن معك بتكون طايرة من فرحة لانها بتجرب للمرة الاولى الاب وانها ببيت ابوها يعني بتعمل اي شئ بدون ما تخجل او حدا يمن عليها وامان اكثر وراحة اكثر و طعم دلال الاب شعور ما عاشته واذا شافته فبالقطارة بس بعد ما تشبع بتبدا تحس بفراغ بسبب بعد امها فهي بحاجة منك حنان مضاعف واهتمام مضاعف واحتواء مضاعف لانها بتجرب حرمان جديد اسئل استشاريين تربويين او اطباء نفسسين حتى تتجاوز حرمانها الجديد الي بهالسن
الله يسرلك تربيتها