السلام عليكم
كيفك يا عروسة
هدي اعصابك والزعل بلاش منه
الزواج مثل المرحلة الجامعية بتدخليها بتكوني بنهاية مرحلة مراهقة وبداية العقل و طبعا بيكون طالب متحمس لها وبيسال عن جامعه وتخصصات الي فيها ومجال العمل فيها و بيهيئ نفسيته وعلاماته بالثانوية حتى تساعده على تخصص الي بيحلم فيه و بيستخير وبيسال و بيبدء الحلم باليوم الي بقدم فيه طلب التحاق بالجامعه, في ناس ممكن تختار التخصص الي بناسبها بكل اريحية وفي ناس اهلها بيتحكمو بالتخصص و في ناس علاماتها وفي ناس الوضع المادي
وبعدها بياخذ القبول وناس بتاخذ الي بتحلم فيه وناس بيخيب املها و ما بتنقبل بالتخصص الي عم تطمح فيه بس
ما بيعني هالكلام انه رب العالمين ابتلاهم بتخصص مو مناسب لالهم او تدمر مستقبلهم و هذا عقاب من الاهل او من ظروف او سوء اختيار وخلص راحت عليهم ويحزنو على نفسهم لان الخير ما بتعرفي وين بس المهم تكوني نفسيتك تمام وترضي بالي قسملك اياه رب العالمين ونحمده على نعمه وفضله لان اذا اتقبلنا التخصص بنبدع فيه وحتى لو وجدنا مطبات و ووقعنا ونحن عم نمشي فيه هذا ما بيعني انه ما رح نبدع فيه او حتى نتميز
الشطاره مو بالاختيار بقد ما هي بالتاقلم والابداع بكل الحلات ومجالات وسرعة تاقلم بكل الاماكن الي رح نوضع فيها
رزقنا بناخذ غصب عنا فليش ما نستمتع فيه لان اذ اقتنعنا انه شر او انه ابتلاء نحن بنعذب حالنا فيه
ومو كل شئ بيصير معنا رب العالمين قاصد يبتلينا فيه و يعاقبنا عليه بس نظر الانسان قصير ورب العالمين اعلم بالشئ الي فيه خير لنا وبقدرة تحملنا
طبعا ( أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة ) رواه البخاري ومسلم .
كثرة الحمد بتزيد النعم
انتي بما انك استخرتي تاكدي رب العالمين اخترلك الخير لان لو كان في شر كان يسرلك اسباب لحتى تفسخي
الله يوفقك ويسرلك الخير وراحة البال