يا اختي رب العالمين يضع لكل انسان رزق ومن هالمنطلق لو ماكان نصيبك زوجك الحالي فلو شنو سويتي ماراح تاخذين الا نصيبك واللي مقدره ربي لك فلا تفكرين بشكل سلبي ! الاستخارة وضعت للاطمئان القلبي و مو عشان نعرف بالمستقبل ،، كثير من احسوا باحساسك واخواتي اولهم وبالنهاية تزوجوا والحمدلله مرتاحين برغم بعض المنغصات اللي اعتبرها طبيعية ببداية كل زواج ..

انتي اللي زاد من الثغرة بينكم احساسك هذا اللي تظنين فيه انه عقاب من رب العالمين في حين ان من اسماء الله الحسنى هي الرحيم ، الغفور ، العادل، فهل تظني رب العالمين سبحانه يظلم عباده ؟ ثقي ان الله سبحانه هو مقدر الاقدار ،،

للي عليك تحطي نقاط ايجابية بدل السلبية وتتركي اللوم على زوجك لزواجكم او على هالقرار ،، حاولي تحوري شخصيتك بشكل يناسب شخصية زوجك والاختلاف موجود بكل الناس ،، اقرأيي عن مشكلة زوجك وفيه كتب مختصة بهالموضوع دققي فيها وشوفي الاساليب والطرق المناسبة للتعامل معاه ...

الطلاق لاتفكرين فيه قبل ماتحاولين وتحاولين وماتدرين يمكن سعادتك بالنهاية مع زوجك هذا ولكن تحتاجين للصبر ،،