رد : ساعدوني كيف ارجع لزوجي...
تبين الصراحة؟
لما وصلت لنقطة ان ابوج اتصل فيه وقال له: تعال بكرة نتفاهم .. قلت لنفسي: يخبط مشوار هالطول عشان مشكلة تافهة ـ كما تصفينها ـ وهي اللي غلطانة بعد؟!!
وفوق هذا يكملها عمج ويقول: يبوس ريولج؟!!!! .... هذا وانتي اللي غلطانة؟!!!!!!!
وما راح أعلق على تصرف أخوج لأنج تقولين إنه مريض نفسي .. بس يا حبيبتي ما دامه مريض نفسي فمكان المفروض يكون موجود في الجلسة أصلاً!
الخلاصة .. استفزيتوا الريال وطلعتوه عن طوره .. والحين تقولين ما ادري وش صار فيه تغير ما كان كذا؟!!
طبيعي يتغير حبيبتي .. وواضح من كلامه أنه عنده تراكمات فعلاً .. ومب مطلوب منه يظل متحمل طول عمره.
وبصراحة زوجج معاه حق .. المشكلة أصلاً تافهة كما تقولين .. وانتي اللي قررتي تطلعين من بيتج ...... خلاص ارجعي مثل ما طلعتي.
__________________
اللهم طِيبَ الأثر .. وحُسْنَ الرحيل.
التعديل الأخير تم بواسطة مهره ; 31-05-2014 الساعة 11:22 AM