شوفي يا أختي ،، من الاخررررر كذا دامك معترفه بغلطك
نصيحتي لك كلمي عمك يجي للبيت واجتمعي فيه مع أبوك
وقولي لهم انك اساسا كنتي معصبه من زوجك ودخل بينكم
الشيطان وانك الحين حاسه بغلطك وندمانه وان زوجك ماقصر
معاك ولا مع عيالك بشي بس كانت لحظة غضب ،،
وحبي راس ابوك وعمك واعتذري عن كل اللي صار وقولي انك ماتبي بيتك
ينخرب ولا عيالك يضيعوا وقولي لهم إذا تهمكم مصلحتي ومصلحة عيالي
خلوني ارجع بيتي مثل ماطلعت منه بأرادتي ،، حاولي تكسبيهم بالكلام الطيب
وقولي انك راح تجهزي اغراضك واغراض عيالك وتخلي اخوك يرجعك للبيت
ومثل ما قالت الاخت. سموحه مثل ما فاجأتيه بخروجك من بيتك فاجئيه برجعتك
انتي وعيالك واعتذري منه واعطيه وعد ان كل مشاكلكم بعد كذا تحلوها بينكم وبس
بدون تدخل أي احد ،،
هذا أفضل حل ممكن تسويه وربي يسهل لك اللي فيه الخير ،،