رد : يتهمني بال.................والله ماعمري قذفني أحد إلا زوجي!
اهلين حبايبي..
والله إني اخجل وأنا أكتب واعلق وارد..
اللي متابع لي بيقول ماملت هذي جد؟!
أحس كلامي مكرر من قبل كم سنة..وردودر مكرره...
أدري ودكم تشوفون نتيجة ردودكم..
وإني طبقت ونجحت...
بس والله مو بيدي..
أحاول أكتم مشاعري وأحاول ماأشتكي وأوكلها على ربي
أحاول أحلها بنفسي..بصبري...
كثير كررت فيه خلل..بس والله عجزت أعرفه...
لاتحسبوني أكتب وأنا عاجبني إني بوضع وحده تكتب مشكلتها
صح أوقات أفضفض بس أوقات أزعل على نفسي إني وصلت لهذا المستوى
وصح مو عيب أبحث عن حلول...بس زي ماقلت إنها تكرار وماطلعت بنتيجة...
برد عليكم يا أخواتي
من ناحية أستقل عنه...الأمور مو بالسهولة هذي
فيه أمور تخصني شخصياً ماطرحتها أبداً ماتساعد أبد إني أحاول أدرس أو دورات أو مثل هالأمور......مو إنها صعبة لكن مستحيلة...
ولنفرض..أنا ماأقدر أخسر بيتي وعيالي عشان شخص مريض مادري وش تفكيره واللي برأسه!
الخسارة هذي ماأرضى فيها وش ماأستقليت ببقى على أعصابي
أنا أصعب شي عندي يقول أنتي طالق...
طلعتي من بيتي معناها أزمة ثانية....
قصص ثانية...........
أرجع أقول أنا مطنشته..شبه الغيته من حياتي
اتعامل معه عادي أخدمه أرضى عليه أصد عنه حسب تعامله
مو معطيته نفس القيمة السابقة له في حياتي
أتعامل معه بالطريقة اللي أقدر أتجنب معها أي خلاف
وماسلمت............
أتجاهل كلامه أوقات بدون أي رد فعل...
بس أكون معه كأني شخص ثاني...
يعني تلاقيني لما أقعد أقهويه مثلاُ
ماأتكلم أبداً إلا ماندر...
وسوالفي معه رسمية ماعاد فيه مزح لايتقبله مني ولا أقدر أكون مرنه معه
مع إني طبيعتي وسيعه صدر وراعية سوالف وضحك
فتلاقيني مع عيالي مخربتها
معه وحده ثانية
تراه لو صار شي مضحك منه وهو بنفسه أبتسم وأبتسمت أنا
والله يزعل وأنتي ماتحترميني مع غنه بروحه ضحك
يعني سبحانه مايتقبل مني ولاااااااااااااااا شي
بخصوص أهله وعلاقتهم
أنا أحس بكون وياه نسخه من أمه وابوه
مافيه ود..
علاقة مقطوعه
مافيه الإحساس إن هذا زوجي أو هذي زوجتي..
معليش تراني ماكنت كذا
بس سلوكه معي
خلاني أحس بنفور تجاهه
وماعاد أتقبل منه شي
والله حتى لمن ( يكح ) أحس أكره أي شعور بعد ماكنت أسمي عليه...
دانون
أنا كنت وحده عاطفيه...
دمعتي تسيل بدون ماأتحكم فيها
الحين والله إني أوقات أبي أبكي
أقسم بربي أحسها واقفة
واسلوب التصنع ماأبيه
أنا إنسانة حساسة..ورقيقة في التعامل
هو خلق مني هالقوة
أنا مثل القطوة ناعمة وهادية بس تحس بالخطر تخربش بوجهك...
انا صرت بدون إحساس لما يتكلم لأني مليت
لأني حفظت كلامه...
مافيه كلام يدور بيني وبينه إلا نوع معين أنا حفظته
بالتالي خلاص مات قلبي وين تبين دموع
مستحيل أتصنع الدلع لأني أعرف زوجي زين
مايجيب رأسه دموع وبكي وبعدين صارت أوقات يبين علي إني شوي وببكي
أو يحسبني أبكي والله كان يقول إن شاءالله تبكين دم
وكلام وسخ يجفف الدمعه من عيني!
واسلوب المدح والتغنج هذا طبعي وأفتح علبة ومدري أيش أصلاً غصب عني أخليه يسويها هههههههههه
تدرين بختصرها وأعلمك سر
أنا أقدس شي أسمه رجل
أحب ارضيه واتغنج وادلعه وأتدلع عليه فوق ماتتخيلين
لأنه بالمقابل كل ماحسسته برجولته حسسني بانوثتي
لكنه فقد رجولته ( أقصد بتعامله معي)
ففقد أنوثتي!