رد : (مميز) زوجة معدد؟ ...... تفضلي
اقتباس:
المشاركة الأصلية كتبت بواسطة Beta2
مهما كان قلبه قاسي بيرجع يا مهره ... لا تفكري أنه ساكت لأنه مو مهتم .. أتوقع ساكت لأنه يفكر ويحسب فيها ..
أنا ما أدري هو شو في راسه الحين .. بس والله يا بيتا أنا ما راح أكون أغلى عنده من أمه.
شو رأي ماما بالموضوع؟
|
ما تكلمنا كثير.
ثاني يوم الخميس جاتني المطبخ واحنا نتغدا .. وقت غير معتاد منها .. فأنا فهمت انها ياية عشان تتطمن عليّ .. زوجي كان موجود وأول ما شافها قال باستنكار: شو يايبج الحين؟! .. خلص غداه وطلع من المطبخ وهي تمت .. قعدت شوي ولاعبت شما وتكلمت عن نخلاتها .. وطلعت.
في الليل كان المفروض نروح زيارة لجارتنا .. اتصلت بي المغرب عشان تأكد عليّ فاعتذرت منها وقلت لها راسي يعورني وما أقدر أروح .. قالت لي: ليش يا ماما تعالي شوفي الناس وغيري جو .. بس أنا اعتذرت منها مرة ثانية.
أمس اتصلت بي الصبح .. قالت لي: انا عارفة انج ما فيج صداع ولا شي .. وعارفة اللي فيج .. بس يا بنتي ولا يهمج شي ولا تغصصين على عمرج .. أهم شي صحتج وعيالج وكل شي ارميه ورا ظهرج.
نفس الكلام اللي قالته لي قبل!
واليوم الصبح اتصلت بي بعد .. كانت طالعة مع أخت زوجي واتصلت تشوفني إذا أبا شي.
وأخت زوجي تقول لها: قولي لها ليش ما ييتي أمس تشوفين باب الحارة؟ 
ما يعرفون اني قررت ما أروح لهم خلاص.
على فكرة أخت زوجي تعرف إني طلبت منه الطلاق .. وللأمانة حاولت تثنيني كثير .. بس أنا كنت مصممة وحلفتها ما تقول لماما ولا تقول لحد.
__________________
اللهم طِيبَ الأثر .. وحُسْنَ الرحيل.